Midang bantuk in Ramtha kal kho lole um kho lo an silo. Ram dawttuk ruangah mi sifak le umnak ngei lo bantuk in ramtang ah khua an sa ko mu. An dam lio hrimhrim ah kan Ram tha hram ko seh.Thawngpang Dang Rel Chap Rih >>>>>>>>
Chinland Council An Dirpi Kong CDF-Matupi, Ai-daak Battalion nih An Thanh
A luancia 2024 February thla chung ah tlamtling tein dirh mi CDF-Matupi Battalion 6 (Ai-daak battalion) nih Chinland Council an dirpi kong nizan May 10 ah cathanh an chuah.
“Ai-daak battalion nih Chinland Council hi zeizong teah kan dirpi i Chinland Council nih a dirh mi runvennak le anmah he ṭangṭi mi CNA le CDF hna he kutsih in, ramchung ramleng um Ai-daak miphun dihlak aiawh in kan i fonh” tiah an langhter.
A luancia February 23-25, 2024 ah tuah mi CDF-Matupi a voithumnak conference ah Matupi pengchung dohthlennak a tuahtu phu le department dangdang hna hnatlaknak in Ai-daak battalion cu rak dirh mi a si.>>>>
Chinram, Paletwa peng in mino 200 hrawng cu Mizoram ramkulh, Siaha khuapi ah lut in Siaha–Niawhtlang khua an pal hnu ah Chinram, Thantlang peng, Tluangram khua an phan i Hakha khuapi lei ah an kal kong ramri um mi nih The Chin Post ah an chim.
“Atu i Hakha khuapi fuh in a kal mi hna hi mino deuh lawngte an si hna i May 8 ah 80 hrawng le May 9 ah 20 hrawng tiin nu he pa he minung 100 hrawng cu Paletwa peng in Tluangram an phanh hnu ah Tluangram khua motor ngei nih Thantlang peng Congthia khua ah an kalpi hna,” tiah kan thawng laknak nih a chim.
Paletwa peng in Hakha khuapi fuhpanh in a kal mi hna nih cun, Paletwa peng ah um awk a ṭhat ti lo caah Hakha in Yangon lei ah kan kal lai, tiah an chim.
Nihin tiangah Hakha lei panh in a kal mi an um peng rih i hmanung bik thawng kan hlat tiang ah minung 200 hrawng an phan cang, tiah theih a si.
Leave a Reply