Dothlennak Phu Pawl Nih An Thlak Mi SAC Vanlawng, Helicopter 8 A Um Cang.au dothlennak chung ah dothlennak phu pawl nih SAC vanlawng, Helicopter an thlak khawh mi 8 a um cang. A hnu bik pakhat hi May 6 ah Karenni dothlennak phu pawl nih Hpasawng peng ah SAC ralkap pawl riahcaw a chan mi Helicopter 2 chung ah Mi-17 hi an kah i an khen caah Bawlakhe peng hmunhma pakhat ah a tla. Helicopter cung ah SAC ralkap 11 an i cit i 8 an thi tiah Karenni dothlennak phu pawl nih an fehter.
Helicopter cu dothlennak phu pawl nih Point 8 in an kah hi a si i a kir lei ah Bawlakhe peng hmunhma pakhat ah a tla i SAC ralkap pawl nih mei in khangh an timh lio zong Drone in an thlak khawh. Karenni dothlennak phu pawl nih SAC Helicopter 3 an thlak khawh cang i dothlennak caan chung ah Helicopter a tam bik a thla khotu an si.
Rak Rel Chih :Malay Khua Kahdohnak Ah SAC Lei 6 le Dothlennak Phu Lei 10 An Thi.Sagaing ramṭhen, Kanbalu peng, Malay khua kahdohnak ah SAC lei 6 le dothlennak phu lei 10 an thi tiah No. 1 kahdohnak hmunhma nih May 11 ah an thanh.
Kahdohnak chung in SAC ralkap hriamhme 14, kuan 700 leng, kuanbawm 11, Grenade 1, Energa bom 6, Jammer 1, Equiment 4 le kahdohnak thilri cheukhat zong an lak khawh tiah theih a si.SAC ralkap pawl an umnak palek sakhaan cu May 7 ah dothlennak phu pawl nih an kah i chikhat an lak khawh nain zaanlei sang ah SAC lei bawmhnak a rat caah an kir ṭhan tiah an thanh.
SAC lei thazang 100 hrawng nih Malay khua ah hmunhma an khuar ṭhan tiah Kanbalu khuami nih RFA ah an chim.Kahdohnak chung ah SAC van lei le hriamngan ruang ah khuami 1 a thi i 17 an i hliam bantuk in khuami 3,000 hrawng nih innlo an zaamtak tiah theih a si.
Tanintharyi le Bauk-pin Peng Ramri Um Ralkap 1020 Tlang Sakhaan Dothlennak Phu Pawl Nih An Lak.anintharyi ramṭhen, Tanintharyi peng le Bauk-pin peng ramri um SAC 1020 tlang sakhaan cu dothlennak phu pawl nih an lak tiah Black Cobra phu nih an thanh.
April 30 thawk in SAC ralkap nih hmunhma an khuarnak Point 1020 tlang sakhaan cu Black Cobra phu nih kah hram an thawk i May 11 zinglei ah tlamtling tein an lak khawh hi a si.Cu sakhaan ah Baukpin khua hrambunh MOC 13 kuttang IB 555, LIB 559 le IB 432 hna nih hmunhma an khuar i sakhaan an sungh nakhnga lo SAC nih van lei in fak ngai in kahdohnak a tuah nain ni 12 a rauh hnu ah sakhaan chung um ralkap pawl nih sakhaan an zaamtak.
Cu sakhaan zohfelnak an tuah lio ah hriam le kahdohnak thilri pawl an lak khawh i sakhaan chung ah SAC ralkap ruak an phumnak pawl zong an hmuh, sakhaan a zaamtak mi ralkap pawl cu Black Cobra phu nih an dawi hna i bawmhnak pek ding a ra mi phu zong an kham khawh hna tiah theih a si.
Sakhaan lak kahdohnak chung ah KNLA-PDF phufonh Black Cobra Column, Belik Province PDF 1, Black Cobra Wings Drone phu hna bawm in kahdohnak an tuah a di i dothlennak phu lei 1 a ke ah hliam a tuar tiah theih a si.Credit : The Chinland Post
Leave a Reply