Tedim Kaptu CNO/CNDF le PDF Zoland Nih Chinland Cozah Ralkap Bawmh An Hal Hna Ahcun Bawmh Dingah Ready A Si Ko Tiah Kan Theih.

Tedim kaptu CNO/CNDF le PDF Zoland nih Chinland cozah ralkap bawmh an hal hna ahcun bawmh dingah ready a si ko tiah kan theih.
Chinland ralkap nihcun, hriamnam he thazaang he tiah bawmh an duh ko hna.cRD ; Salai William Hlawn Ceu

kalay leiah Tedim ralzam motor le saikel pawl CDF Siyin nih tangka an hal hna tiah Zalen news, falam le tedim holh hmang online ah an post ngaimi cu CDF Siyin nih fianhnak a hun tuah, lih hmanhah lih fangfak a si an ti.Thawngdang >>>>>>>>>>>>>

Chinram, Tedim khuapi kahdohnak ah Chin hriamtlai phu unau nih SAC ralkap pawl umhmun an khuarnak Nah-Tah-Lah zung, siizung le palik zung an laak cang kong tualchung mi nih an chim. Tedim khuapi chung kahdohnak ah cun SAC ralkap nih vanlawng in kahdohnak an tuah i khuachung ah bomb an thlak pin ah timh ciammam tein inn an khangh i kaphnih kar kahdohnak a fak, tiah theih a si.

May 26, zan suimilam 10:00 hrawng in Chin hriamtlai phu unau nih Tedim khuapi laak ding in kahdohnak an thawk i Tedim khuapi chung SAC ralkap umhmun khuarnak Nah-Tah-Lah zung, siizung le palik zung cu an laak cang, SAC ralkap pawl nih Khah-Lah-Yah 269 ah ralkap thazaang chap in kahdohnak an pehzulh ve i vanlawng in khuapi chung ah bomb an thlak pinah nizan zanlei in inn an khangh i inn tam ngai a kaang, tiah theih a si.

“Nizan May 27, zanlei suimilam 4:00 hrawng in SAC ralkap nih inn khangh hram an thawk, vanlawng in khuapi chung ah bomb an thlak an thlak ruang ah inn a kaang mi zong a tam, kaphnih kar kahdohnak a fak ngai, khuapi laak timh kahdohnak a si caah khuapi laak khawh hlan chung cu kahdohnak a fak ko lai,” tiah thawng laaknak hrampi nih an chim.
Chin hriamtlai phu unau he naihniam in a um mi thawng laaknak hrampi nih cun, “Atu lio cu kahdohnak a fah cingling a si i kahdohnak kalpi cuahmah a si caah a dik mi thawngpang lawng thanh ding ti mi Policy a um, cu ruang ah cun dikthliar in thawngpang thanh awk a ṭha lo, kahdohnak a daih tikah Chin hriamtlai phu unau nih an ngeih mi Information Center in tlamtling tein thawng an thanh te ko lai,” tiah a chim.

Tedim khuapi chung kahdohnak ah cun Chin hriamtlai phu unau nih SAC ralkap 9 an tlaih hna i SAC ralkap thi le hliamtuar zong an tam, SAC ralkap nih an hman mi hriamnam zong tam ngai an laak. Chin hriamtlai phu unau in thi le hliam an um ve, tiah theih a si.