KNU Brigade 5 Hmunram May Thla Chung Kahdohnak Ah SAC Ralkap 60 Hrawng An Thi, Sakhan 5 An Laak>>>>>

Karen ramkulh, KNU Brigade 5 hmunram May thla chung kahdohnak ah SAC ralkap 60 hrawng an thi i Sakhan 5 an laak kong KNU nih an thanh.
Karen National Libration Army(KNLA) Brigade 5 hruai mi ṭangṭi phu le SAC ralkap kar kahdohnak voi 107 a chuak i SAC ralkap 60 hrawng an thi, KNLA ṭangṭi phu in hliam fak tuk lo a tuar mi an um ve, tiah theih a si.

 

A luancia May thla chung ah SAC ralkap nih Karenni hmunram chung ah vanlawng in bomb an thlak ruang ah tualchung mi 8 hliam an tuar, cu pin ah raltuknak vanlawng in pound 500 tluk a rit mi bomb ngan lung 12 an thlak i Drone in bomb lung 1,000 hrawng an thlak ruang ah inn 16 a rawk, tisik anhnah an cinnak hmun zong a rawk i innzuat saṭil a thi mi zong an um, tiah theih a si.
Kyaukhnyat–Walu Khah-Mah-Yah 434, Tabukyoe Khah-Mah-Yah 434, Panhaih-Kahikyoe Khah-Mah-Yah 434, Laetoe Khah-Lah-Yah 19 le Nattaung–Mawphoekyoe Khah-Mah-Yah 434 SAC ralkap sakhan 5 cu May thla chung ah KNLA ṭangṭi phu nih an laak cang, tiah theih a s

Khuapi Chung Kahdohnak A Chuak Kho Ti Mi Thawngpang Ruang Ah Matupi Um Mi Cheukhat An Zaam>>>>>>>>>

 

Khuapi chung ah kahdohnak a fak kho ti mi thawngpang a leng mi ruang ah Chinram, Matupi khuapi ah a um mi hna cu thinphang thlalau in an um i a cheu cu a himnak hmun kawl in an zaam hna, khuapi chung cu a king ngaingai, tiah theih a si.
Matupi khuapi um mi pakhat nih cun, “Mizoram lei i a zaam mi an um i a cheu cu chungkhat an umnak khuate lei hna ah an zaam, khuapi chuahtak in zaam aa harh deuh mi lawng khuachung ah an taang,” tiah a chim.

SAC ralkap Byuha Battalion 3 an umnak Matupi khuapi ah khuapi chung i a biapit deuhnak hmunhma vialte cu SAC ralkap nih umhmun an khuarnak dih, a luancia ni tlawmpal chung zong ah Matupi pengkomh zung ah a um mi SAC ralkap pawl cu CDF-Matupi Vakok Battalion nih an rak kah hna, tiah theih a si.