Chin ramkulh, Tonzang khua cu CNA le CDF phufonh pawl nih an kah i an lak khawh hnu ah kahdohnak chung in hriam zuun 100 leng an al khawh i an lak khawh mi hriam pawl hmanthlak cu June 4 ah an langhter.
May 17 in May 21 tiang zarhkhat a rau mi Tonzang khua kahdohnak ah SAC LIB 269 ralkap 40 hrawng a nung in an tlaih khawh hna i hriam zuun 100 leng le kuanzen pawl an lak khawh tiah theih a si.
Pa Pakhat Falam Peng Ah Bomrap Lamhnak In A Thi>>>>>>>>>
Chin ramkulh, Falam peng, Cawnghei khuami Pu Lian Hrang (kum 62) cu June 5 zaanlei sml 2:00pm hrawng ah SAC ralkap hmanh mi bomrap lamhsualnak in a thi tiah theih a si.
“A thi mi hi Cawnghei khuami a si. Var sakhaan pawng ah hai dum a ngei. Dum a kal lio ah SAC ralkap hmanh mi bomrap aa lamh sual caah a ke pahnih ning in aa tan i a hmun ah a thi colh” tiah mit in a hmutu pakhat nih The Rili Voice ah a chim.
A thi mi pa ruak cu June 6 ah a chuahkehnak Cawnghei khua ah an vui tiah theih a si.
A luancia 2023 September 21 zong ah Var sakhaan pawng khuate ah a um mi Pu Ngun Kip Khuai (kum 52) cu Manipur tiva ah nga a dawinak ah SAC ralkap hmanh mi bomrap lamh sualnak in a rak thi ve.
Cun 2023 April chung zong ah Var sakhaan chaklei ah SAC ralkap hmanh mi bomrap lamh sual nak in Monli khuami pakhat a rak thi.
Leave a Reply