Chinram, Thantlang peng, Zophei hmunram ah hrambunh in hriam a tlai mi Chinland Defense Force – Zophei ca ah Pu Kham Cung le a chungkhar nih tangka Kyats 12,500,000 bawmhnak an pek mi tlamtling tein an hmuh kong, CDF-Zophei nih an thanh.
“Chinland Defense Force – Zophei ca ah tiin Pu Kham Cung le a chungkhar nih nan kan bawmh mi tangka Kyats 12,500,000 cu June 10 ni ah tlamtling tein kan hmuh. Hi bantukin nan kan bawmhchanh mi cung ah CDF-Zophei nih kan lunglawmhnak Roca kan rak ṭial. Pathian tu nih thluachuah in pe chin ko hna seh,” tiah CDF-Zophei nih Pu Kham Cung le a chungkhar sin ah lawmh bia an chim.
Pu Kham Cung le a chungkhar cu Thantlang peng, Zophei tlang, Khuabung khua mi an si i Australia ah kum 18 khua a sa cang mi an si.
Waingmaw Peng Ah Ni Khat Chung Ah KIA Ṭangṭi Phu Nih SAC Ralkap Sakhan 18 An Laak>>>>>>>>>>
Kachin ramkulh, Waingmaw peng ah nizan June 11 ni khat chung ah SAC ralkap sakhan 18 cu KIA hruai mi ṭangṭi phu nih an laak kong, thawng laaknak hrampi nih an chim. Nizan kahdohnak ah cun KIA ṭangṭi phu nih SAC ralkap sakhan ngan mi 6 an laak i a dang sakhan 12 cu an chuahtak mi a si, tiah an chim.
Waingmaw peng, Sadone Byuha sakhan telh in SAC ralkap sakhan 6 cu KIA ṭangṭi phu nih an laak i SAC ralkap 30 leng an tlaih hna, hriamnam tam ngai zong an laak kong thawng laaknak hrampi nih cun an chim.
Nizan June 11, zanlei suimilam 5:00 hrawng ah Sadone Byuha sakhan cu KIA hruai mi ṭangṭi phu nih an laak i Waingmaw—Kanpaikti lampi thluan um mi SAC ralkap sakhan ah minung an um ti lo, KIA nih pehzulh in kahdohnak an kalpi i Kanpaikti khuapi sakhan pakhat lawng a taang cang, tiah theih a si.
“Nizan June 11, zinglei suimilam 5:00 hrawng ah Sadone Byuha sakhan an laak i a zate ah sakhan 6 an laak, Waingmaw—Kanpaikti lampi ah SAC ralkap an um ti lo, Kanpaikti khuapi um sakhan pakhat lawng a taang cang, nihin i tlaih mi hi SAC ralkap, BGF le Pyituhsit 30 leng an si, hriamnam laak mi cu a tam ngaingai,” tiah KIA thawng laaknak hrampi nih an chim.
Leave a Reply