Aralaimi June 16, 2024 (zarhpi zing) UFC ah aa thua ding Joshua Van le Tagir Ulanbekov (Russian) puai cu a rawk than, an i thua than lai lo tiah theih a si.
Hi puai a rawhnak a ruang cu Flyweight i thuatnak ah rihzan POUND tahfung ruang ah a si i Russian pa Tagir Ulanbekov cu Pound pathum hlei in a rihzan (weight) a kai deuh.
UFC nih Joshua Van te i thonghnak Flyweight cu Pound a tambik 126 lb a khiah nain Russian Tagir Ulanbekov cu a rihzan POUND 3.5 hlei a lonh caah UFC nih an puai an khirh (cancel) piak hi a si.
Tutan he fonh in UFC nih Joshua Van i thuat caan an thialpiak avoi (4)nak a si cang.
Joshua Van cu aralaimi June 30, UFC – 303 ah i thuatter ding in UFC nih an timhpiak tiah thawng a chuak. Aho he an i thuat lai bel a fiang rih lo.
Chin Ramkulh Chung Tang 12 Caminpuai A Phi Mi 400 Leng Chung Ah 300 An Aung>>>>>>
SAC kuttang Ministry of Education nih 2023-2024 cacawn kum tang 12 caminpuai sungh/awn cazin cu nihin (June 11) zinglei ah a thanh i Chin ramkulh chung in a awng mi 338 an um tiah theih a si.
Chin ramkulh chung ah tang 12 caminpuai a phi mi sianghakchia 435 an um i cu chung ah 338 an awng tiah theih a si.
Hakha peng ah minung 27, Falam peng ah minung 83, Tedim peng ah minung 111, Tozang peng ah minung 11, Cikha peng ah minung 68, Mindat peng ah minung pakhat le Matupi peng ah minung 37 hna nih awnnak an hmuh.
2022-2023 cacawn kum ah siahngakchia 2,824 nih tang 12 caminpuai an rak phi i 2,049 nih awnnak an rak hmuh, Myanmar ramchung awnnak zatuak in 72.42% a si i a palinak ah a dir.
SAC Ralkap Nih Hakha Khua Ah VPN An Check>>>>>>>
Chin ramkulh, Hakha khua ah SAC ralkap pawl nih nihin (June 11) ah Hakha khua hmun 2 ah mipi umkal mi an chek hna i an phone chung ah VPN a um le um lo an check hna tiah theih a si.
Zinglei sml 10:00am tiang hrawng kha sizung lampial ah mipi cycle in umkal mi pawl kha an dirter hna i an phone an zoh piak hna, VPN application a um ahcun tangka an hal hna tiah Hakha khuami hna sin in thawng theih a si.
“Sizung lampial hi cu sml 10:30am hrawng cun an um ti lo, mipi zong an umkal len ko tiah” Hakha khuami pakhat nih The Chinland Post ah a chim.
Hakha lansung lei ahcun ralkap pawl an um rih lo tiah adang khuami pakhat nih a chim ve.
“Lansung hi cu sml 10:30am hrawng cu an um rih lo” tiah a chim.
Sihmanhsehlaw Hakha khua, Matupi lam, Cawbuk sang lei kalnak, Cinthlak dum (စိုက်ပျိုးရေးခြံ) hmai tu ah ralkap pawl an um tiah theih a si.
“စိုက်ပျိုးရေးခြံ hmai ah ralkap pawl an um i ka cycle an ka dir ter, cun ka phone kha an zoh i VPN a um le um lo an zoh, asinain an zoh thiam deuh lo caah an lungdong i an ka pek i an ka thlah ṭhan” tiah Hakha khuami pakhat nih The Chinland Post ah a chim.
Atu bantuk in nizaan (June 10) zong ah Hakha khua, sizung lampial ah mipi cycle in aa chawk mi kha an dirter hna i an phone le an cycle toolbox hna an zoh piak hna.
A luancia June thla zarhkhatnak zong ah khuate lei in sii cawk ah a raa mi upa pakhat cu Hakha khuachung ah sii a phorh mi tamtuk ruang ah an tlaih bal cang tiah theih a si.
Leave a Reply