AA Kong Ah CC le CB Kong Salai Nih A Chimmi Hi Ruah Bak A Herh >>>>>>>>>>>>>>>>>

AA nih kan vawlei fir a duh caah kanmah unau a kan sehter, kan lungfim caan a cu cang

———————————————

AA nih zeiruang ah dah Matupi tiang nunnak an rak pek? CB phu an dawt hna ruang ah maw? Silole, Rakhine ram kauh le bing cinnak ser an duh caah dah a si hnga? CB phu nih khua thuk piin ruah a herh.

AA nih Matupi an lak sual ahcun Mindat le Kanpalet an lak rih lai i thlanglei Laitlang khi rithaisii phun kip an cinnak le an kalpi nak lampi ah an ser te lai. Paletwa ah an tuah tawn bang, sualnak phun kip an tuah lai. Kan mino lakah rithaisii fawi tein a lut lai i kan miphun cu bing tama ah i chuah dih a fawi. Chin cu Rakhine kan si lo caah AA nih an lungthin takin an kan zawnruah nak ding lam a um lo.

Cun, CB phu nih AA hi an uar tuk caah an panhmi asi bak lai lo. CNF nih control mi si an duh lo caah a si. China nih Taiwan a nek i pah chih a timh lengmang ruang ah Taiwan nih vansan ah miphun dang USA bawmh a hal bantuk khi a si. CNF nih CB phu khi duh poah in pah chih timh loin ‘unau kan si’ tiin a sawm awk a si, ‘sum phomh in phomh’ tbk bia in mah unau tlerh phung a si lo, cabuai cung ah lungrualnak a phi kawl awk a si. Phu khat le phu khat hmunhma le ramri zong i upat bak ve a hau.

Culocun, mah le mah kan i that peng lai i cu kar lak cun AA nih kan ram an fir dih te lai. AA cung ah kan vawlei a phak lo nak hnga CB phu nih AA zamtak a hau, CNF zong nih CB phu nek ti lo a hau ve.

A tang hmanthlak hi nikum ah i ralrin awk ka rak tialmi a si, atu ah ka chim ning tein a cang cuahmah. A tlai tuk hlan ah kan lungfim a hau.