Matupi khuapi sung aa Chinland Army te Chin Brotherhood te in Matupi khuapi sung pan hawlkhiazo ta

Chin Brotherhood Army te in Matupi khuapi a lakna ah Chinland Army te in nawngkaisak ahih manin khuapilak kizakai tuam mahmah hi ci hi.

Tua a nawngkaisak Chinland Army te Chin Brotherhood Army te in zani June 24 nitak lam-in Matupi khuapi pan ka hawlkhiazo uh hi ci-in thusuahna nei ta uh hi.

Chin Brotherhood te in SAC te sakhanpi ခလရ ၃၀၄ la khin uh aa tu-in ခလရ ၁၄၀ leh Matupi Strategy hill sung pan gal panna mun pawlkhat zongh kilazo ta ahih manin Matupi gambup ah SAC a beisiang nadingin Chin Brotherhood te in ka hih theihtawp-un ka hanciam ding uh hi ci lai hi.

Chinland Army te in phual a satna Matupi gamsung

Galai leh Phanai kikal mualdung ah Chinland Army te ii leisung Bomb tampitak siah ahih manin mipite tualam ah na pailoh nading uh leh SAC in vanleng tawh hong kapna pan na kidop mahmah ding uh kongzasak uh hi. Chin Brotherhood Army te in Chinland Army te ii Bomb siahte kihahsiangzonailo ci hi.