Chinram, Hakha khuapi, Khuathar sang chung ah minung 5 cung a bu in um khawh a si lo tiah SAC nih nawl an rak chuah mi cu SAC nih an hnon ṭhan cang i atu ah cun pumhkhawmh le thlacamnak tibantuk tuah khawh a si cang, tiah theih a si.
A luancia June 23 ni thawk khan minung 5 cung a bu in um khawh a si lo, tiah nawl chuah mi cu SAC nih an hnon cang nain Khuathar sang chung i chawdawr an kharter mi hna tu cu a ra lai mi August 20 tiang kharpiak rih an si lai, tiah Khuathar sang um mi pakhat nih a chim.
A luancia April 12 ni ah khan Hakha khuapi ah SAC kuttang Minister pawl nih an i cit mi motor cu CDF-Hakha nih Drone in bomb an rak thlakhnawh hnu in “chawdawr le Biakinn ah humhimnak an la” tiin khuathar sang chawdawr cu SAC nih an kharter hna i minung 5 cung a bu um lo ding tiah April 22 ni ah nawl an rak chuah.
Hi kong ah hin SAC nih cun a luancia June 7 ni ah khan Hakha khuanu khuapa le Pastorte cu Chin nunphung ning tein, saram thisen luanh in ngaihthiam hal ding in an rak ti hna i cu hnu lawng ah nawlchuah mi hnonpiak ding in an rak ti hna nain Chin nunphung ning in i lenkainak a um lo, tiah theih a si. Hakha khuapi ah hin a bu in tuah ding mi thil kong le pumhkhawmh kong ah atu tiang SAC sin ah theihternak tuah hmasa a hau, tiah theih a si.
MTC/MDF Le IMC/CDF-Mara Nih Kaphnih Hnatlaknak In An Tlaih Mi An Thlah Veve Hna>>>>>>
Mara biaknak lei hruaitu pawl tlangtlaknak in MTC/MDF le IMC/CDF-Mara kaphnih hnatlaknak in tlaih a tong mi an ralkap cu an thlah veve hna, tiah theih a si.
Nizan June 26 ah Mizoram ramkulh, Zawngling khua ah MTC/MDF le IMC/CDF-Mara cu tonbiaruahnak an ngei i kaphnih kar kahdaih hnatlak biakamnak an rak ngeih
mi bantukin kaphnih lungtling in an tlaih mi hna cu an thlah veve hna, tiah theih a si.
An thlah mi hna cu IMC/CDF-Mara nih tlaih mi MDF pahnih le MTC/MDF nih an tlaih mi CDF-Mara ralkap pakhat le Lailenpi khuapi tualchung mi pahnih an si, tiah theih a si.
Leave a Reply