Chinmi nih a Pikpak in kan Tong ti Hlah u tiah Mizoram Chief Minister nih a Chim>>>>>>>>>>>>

Thechinstar >>>>

Chin miphun hna nih a bubu tete in a pikpak in Mizoram cozah hi rak kan tong ti hlah u, tiah Mizoram Chief Minister Pu Lalduhoma nih a chim.

India cozah le Mizo National Front remdaihnak an rak tuah ni kum 38 tlin camtuak cu June 28 ah an tuah i cuka hmun ah cun Pu Lalduhoma nih atu bantuk hin a chim hi a si.

Pu Lalduhoma nih, “Manipur ah a um mi Chinmi nan si ah, Chinram ah a ummi Chinmi nan si ah a pikpak tete in rak kan tong ti hlah u. I funtom u law bu khat te ah si khawh i zuam u,” tiah duhsaknak nganpi he a chim.

Atulio dohthlennak kong he pehtlai in ramdang in a rak tlung mi Chinmi si hna seh, Chinram in a rak ra mi si hna seh, Mizoram cozah cu a pikpak in an ton tawn caah atu bantuk hin a chim hi a si.

Atulio ah Chin miphun pawl umnak Manipur, Bangladesh le Myanmar ram ah buaibainak a chuak i Mizoram ah ralzaam 44,000 leng an i dor. Hi thil sining hi zoh tik ah Chin miphun pawl uknak pakhat tang ah um kho ding in Pathian khuakhaan zong a si kho, tiah Pu Lalduhoma nih a ruahnak zong a langhter.