Naypyidaw I SAC Ayelar Airport Shock Missle In Kah A Ton Nak Ah SAC Ralbawi Hna Telhin A Thi Mi 34 Tiang An Phan Cang

Naypyidaw Ayelar airport Shock missle in kah a ton caah SAC hna drone an chiah nak warehouse (ဂိုဒေါင်) a cim i SAC ralbawi minung 3 le ralkap 15 an thih chap caah SAC a thi mi minung 34 an si cang tiah Brave Warriors for Myanmar – BWM nih an chim.

Nizan July 16 zinglei slm 9:01 ah khan Ayelar airport cu Shock missle in kah a ton hi a si i cu kahdohnak ah SAC van ralkap bawi minung 4 telhin 12 an rak thih leng ah a dang ralbawi 3 le ralkap 15 cu an tlau tiah thawng thanh a rak si.cutin a tlau mi SAC ralbawi 3 le ralkap 15 hna cu Drone chiahnak ware house i drone pawl an thial lio ah a cimh tak hna caah an thi ve hna i a tu tiang SAC zapi a thi mi minung 34 an si cang tiah ralhraang a chunglei thawngpe tu sin in an theih kawng BWM nih an langhter.

A tu tan kahdohnak ruangah hin Ayelar airport ah a um mi SAC nih sivai a ngei mi bomb an serchuahnak sehzung zong a rawk tiah theih a si. SAC ralhraang nih hin kawlram chung hmun kip kahdohnak ah Sivai a ngeimi bomb hna cu a hman cuahmah i cu sivai bomb ruang ah minung lungmit in an um cuahmah lio ah vanlei in Jet fighter le Drone hna hmang in bomb a thlak tawn tiah theih a si.