SAC nih Kyaikmaraw ah Vanlawng Bomb a Thlak caah Nu le Ngakchia Tel in Minung 16 an Thi
July 22 || Thechinstar
Mon ramkulh, Kyaikmaraw peng ah SAC ralkap nih vanlawng in bomb a thlak caah nu le ngakchia tel in minung 16 an thi, tiah theih a si.
July 19 zinglei sml. 10:15 hrawng ah Kyaikmaraw peng, Hluah-Sin-Kung khuate lamton le phungki sianginn cu SAC ralkap nih vanlawng pahnih in bomb a thlak hi a si.
Vanlawng bomb thlak lio ah kiangkap ah a um mi tualchungmi pakhat nih, “Vanlawng in bomb an thlak lio ah pawngkam ah kannih zong kan um. Vancung ah SAC vanlawng sau nawn an i vel i bomb an thlak. Thihlonak le a rawkralnak a tam ngaingai,” tiah a chim.
SAC ralkap nih khuachung lamton le lamton pawng ah a um mi phungki sianginn cu bomb in voi khat veve a thlak caah thla 7 naupawi nu pakhat le ngakchiate pakhat tel in minung 16 cu a hmun ah an thi.
SAC nih vanlawng in bomb a thlak hnu ah a dang SAC vanlawng pawl an rak rat chap caah khuami pawl cu inn ah um ngam lo in hmun dang ah an zaam dih hna, tiah theih a si.
22 july 2024- Tuzing Hakha le Thantlang karlak SAC Ralhrang sakhan a kan lak piak tu hna cu a tang lei bantuk in hin an si.
Timit-CNA le CDF- Hakha
Lungkhar-CNA, CDF- Zophei le CDF- Lautu
Auto tlang-CNA le CDF – Thantlang
Tutan hi Hualngo, KKG, PDA, Vakok, CDF Siyuin, CDF Senthang tipawl hi an itel ve nain, CNA he ral a doti lengmang ciami an si caah CNA tiin an relh hna.
Lungkhar ahh SAC Ralhrang Camp pa 2 cu Pathian nih a Kan pek cang..hmun dang zong namh cuah mah lio pi a si. Bawipa nih teihnak a kan pek cuamah ko e kan ralkap caah mipi nan thlacam nak Pathian nih a kan leh cuamah ko.
Leave a Reply