SAC Palik Pakhat Cu Chinland Defense Force – Hakha Sin Ah Hriamnam He Aa Fonh

Chinram, Hakha khuapi ah a um mi SAC palik pakhat cu hramhram in nawlngeihnak a latu SAC ralkap rianṭuannak a duh lo caah pau dohthlennak ah i tel ve ding in a hriamnam he nihin September 4 ah Chinland Defense Force – Hakha sin ah aa fonh kong, CDF-Hakha nih nihin September 4 ah an thanh.

Chinland Defense Force – Hakha sin ah hriamnam i put in aa fonh mi SAC palik pakhat cu CDF-Hakha nih lunglawm tein an cohlan i tangka an pek leng ah a himnak hmun a phak tiang ṭuanvo an laak kong, CDF-Hakha nih an langhter.

SAC ralkap rianṭuannak doh in mipi dohthlennak ah CDM in tel a duh mi paoh cu CDF-Hakha pehtlaih khawh peng kan si i a himnak hmun nan phak tiang ṭuanvo kan in laak hna lai, tiah Chinland Defense Force – Hakha nih an thanh mi ah cun an langhter chih.

September 2 ni zong ah khan Hakha khuapi ah a um mi SAC palik pakhat zong hramhram in nawlngeihnak a latu SAC ralkap rianṭuannak a duh lo caah pau dohthlennak ah i tel ve ding in a hriamnam he CDF-Hakha sin ah aa fonh.