( RIP )CDF-KKG Deputy Commander salai P.Ngin Piang Nunnak A Liam>>>>>>

CDF-KKG In Deputy Commander 1 Nunnak A Liam- Chinram hrambunh CDF-KKG battalion 7 in Deputy Commander Pau Ngin Piang cu ralhmai hmun pakhat ah a nunnak a liam, tiah Chinland Defense Force – Kalay Kabaw, Gangaw nih nihin 2024, April 8 ah an thanh. “Deputy Commander Pau Ngin Piang cu SAC ralhrang doh in an cihmih ding, mizapi venhimnak le Federal democracy kan hmuh khawh nakding ca ah tiin kahdohnak ah aa tel i 2024, April 4 ah ralhmai hmun pakhat ah a nunnak a liam” tiah an langhter.

Nunnak liam mi Deputy Commander Pau Ngin Piang cu dothlennak ca i naa peknak cung ah na ṭuanṭi hawi CDF-KKG nih upatnak kan in pek i liamtak mi chungkhar hna zong kan in ngaihchiatpi tuk hna, tiah CDF-KKG nih cathanh an chuah mi ah an langhter. LP

Sagaing ramṭhen chung ah a um mi Pyosawhṭi khua pali nih PDF bu fonh sin ah hriam an chiah, tiah NUG runvennak zung nih thawng a chuah.

PDF sin ah hriam a chia mi Pyosawhṭi khua 4 cu Sagaing ramṭhen, Humalin peng ah a um mi Kyunkung khua, Tawngtwat khua, Inkyinmaw khua le Manawthar khua hna hi an si.

A cunglei khuate pali in SAC ralkap hnuzul Pyosawhṭi milu 120 hrawng nih PDF sin ah hriam an chiah i, an i tlaih mi meithal phuntling zun 130 zong PDF kut ah an ap.

A cunglei khua 4 chung ah hin Tawngtwat khua hi Pyosawhṭi an rak ṭhawn ngainak khua a si i, atu bantuk in hriam an chiah caah teinak nganpi pakhat a si, tiah PDF ṭuanvo ngeitu upa pakhat nih a chim.Thawngdang

Mon ramkulh chung ah SAC ralkap faak khun in doh awkah Mon miphun hriamtlai phu 3 cu hmun khat ah raldo ding in lungtlinnak an ngei kho, tiah theih a si.

Mon State Revolutionary Force (MSRF), Mon State Federal Council (MSFC) le Mon State Defense Force (MSDF) cu ton biaruahnak an ngei hna i, hmun khat ah SAC ralkap doh ding in lungtlinnak kan ngei, tiah nihin April 7 ah theihternak an tuah.

“Mahte in tawlrel khawhnak nawl a ngei mi Mon ramkulh kan ser khawh tiang hmun khat ah ral kan do ṭi lai,” tiah MSRF, MSFC le MSDF nih lungtlinnak an ngei.

Ralkap traning tuahnak le hriamnam serchuahnak lei ah rian an ṭuan ṭi hmasa lai i, cu hnu cun kahdohnak operation pawl zong hmun khat ah tuah ṭi ding in timhtuahnak an ngei, tiah theih a si.