Breaking News: SAC Ralhrang Nih An I Uang Bak Mi Helicopter Cu Cobra Column Nih An Kah Thlak

Tingan-Ngynaung Ah Cobra Column Nih An Kah Thlak Mi SAC Helicopter Cu Bo Da-Baw Nih Zohfelnak A Ngeih. Karen ramkulh,Myawaddy le Kawkareit aa tonnak Tingan-Nginaung ah Cobra Column nih an kah thlak mi SAC helicopter cu Cobra Column i Sit-gyaung-Hmu Bo Da-Baw nih zohfelnak a ngeih tiah theih a si.

Hi helicopter hi a luancia January 29 ah khan an rak kah thlak cang mi a si i dothlennak ralkap hna nih April tla thok Tingan-Nginaung an laak khawh in an hmuh khawh hi a si. helicopter tlaak ruang ah SAC division 44 i brigadier general Aye Min Naung telhin ralhraang 5 an rak thi.

Tingan-Nyinaung um SAC LIB 355 lei panh in a rak zuang mi SAC helicopter 2 lak hna cu PDF Northern military Command No.3,KNLA/PDF ttangti phu a si mi cobra column nih missile,Point 5 le sniper hna hmangin an rak kah i an thlak khawh mi a si.

Cu tin a tla mi SAC helicopter cu Eurocopter 365 helicopter phun a si i  US dollar 9 million leng man a si i 2021 December 15 thok in SAC nih hman hram an thok mi a si. CBN Daily News