Good News : KIA nih SAC ralhrang camp ah an va hmuhmi a si. A tam lawlaw>>>>>>

Kahdohnak ruangah SAC ralhrang pawl le non-CDM pawl nih an camp chuahtak in China April 9 ah an zaam. KIA nih ralhrang camp cu an va luh hnawh i khi vialte phaisa khi warehouse ah an va hmuh. Ralhrang pawl nih Bank phaisa an lakmi a si theu lai dah.Thawngdang

SAC Vice Chairman Hruainak In Tonbiaruahnak An Ngeih Lio Ah Drone 5 In Bomb An Thlakhnawh Hna Caah Ralbawi Pathum An Thi I Minung 30 Leng Hliam An Pu

9 April 2024

Mon ramkulh, Mawlamyine khuapi nichuah-thlanglei Division Heaquaters ah SAC Vice Chairman Soe Win le a kuttang pawl ralkap kong he pehtlai in tonbiaruahnak an ngeih lio ah tualchung hriamtlai phu nih Drone 5 in bomb an thlakhnawh hna caah SAC ralbawi pathum an thi i minung 30 leng hliam an pu, hliam a pu mi chung ah SAC Vice Chairman Soe Win le Lieutenant General Nyunt Win Swe zong an i tel kho, tiah Alpha Bats Drone Force in ṭuanvo ngei pakhat nih a chim.

Nihin April 9, chunhnu suimilam 1:30 hrawng ah Mawlamyine khuapi nichuah-thlanglei Division Heaquaters(Yah-Tah-Khah) Sport Hall ah Vice Senior General Soe Win hruainak in kahdohnak kong he pehtlai in ceihmainak an ngeih lio ah tualchung hriamtlai phu nih Fixed Wing Drone pathum in bomb an thlakhnawh hna pin ah Fixed Wing Drone pahnih in Helicopter a dirnak hmun ah bomb an thlak, tiah theih a si.

“Nihin Drone bomb thlaknak ah cun Hall chung ah tonbiaruahnak a ngei mi General Staff Officer Grade 1 le Major General 4 telh in Warrant Officer 30 leng an i hliam i minung pathum cu tuzan ah an thi, aa hliam mi chung ah Vice Chairman Soe Win le Command Commander Lieutenant General Nyunt Win Swe zong an i tel kho, Naypyidaw lei zong in an pehtlai kho ti hna lo,” tiah Alpha Bats Drone Force in ṭuanvo ngei pakhat nih a chim.

Cu pin ah Alpha Bats Company nih SAC Helicopter pahnih cu Fixed Wing Drone pahnih in bomb an thlakhnawh caah Helicopter pakhat a rawk kho, tiah Alpha Bats Drone Force nih an chim.Thawngpang dang rel chap rih >>>>>

Kachin ramkulh, Hpakant peng, Sezin palik sakhan in palik 22 nih an hriamnam an chiah kong KIA thawng laaknak hrampi nih an thanh.

A liamcia 2022 August 8 ni ah KIA nih an rak laak mi Sezin khua SAC ralkap sakhan le Sezin hmunram palik sakhan ah ralkap pawl umhmur an khuar ṭhan caah nihin April 9 zinglei ah KIA hruai mi ṭangṭi phu nih an kah ṭhan i Sezin palik sakhan in palik 22 nih an hriam an chiah, tiah theih a si.

“Sezin SAC palik sakhan le ralkap sakhan cu a liamcia 2022 ah a ningpi in kan rak laak cang nain SAC ralkap nih umhmun an khuar ṭhan caah a thar in kan kah ṭhannak a si. Nihin April 9, chunhnu ah Sezin palik sakhan in palik 22 nih an hriamnam an chiah, Sezin SAC ralkap sakhan zong pehzulh in kan kah cuahmah,” tiah KIA lei nih an chim.

Nihin April 9 ṭhiamṭhiam ah Myitkyina–Hpakant lampi cung um Namya SAC ralkap sakhan le Gate cu KIA hruai mi ṭangṭi phu nih an kah i SAC ralkap tlaih mi zong an um i kaphnih kar kahdohnak a fak, tiah theih a si.thawngdang>>>>>>

SAC nih hramhram in an tlaih mi mino pawl cu Myanmar ram hmun kip training sianginn ah a voi khatnak ralkap training an thawkpi cang hna kong SAC kuttang Media pawl nih nizan April 8 zan ah an thanh.

“Training a kai mi mino pawl cu anmah duhthimnak tein ralkap a tla mi an si,” tiah SAC kuttang Media pawl nih an thanh i training a kai mi zat belte fiang in an thanh lo.

SAC nih a liamcia 2010 November thla ah an rak ser mi Myanmar ram mino ralkap tlak dih ding ti mi phung cu a luancia February 10 ni ah an nunter ṭhan i March 9 in ralkap tlakter ding mi mino mincazin laak hram an thawk, mino cheukhat cu khuabawi pawl nih ralkap tla ding ah camcawhfung zuhter mi an si i, a cheu cu hramhram in an tlaih hna caah ramleng ah a zaam mi mino zong an tam.

“Atu lio ram dirhmun ah cun Myanmar ram mipi nih duh mi ram mino ralkap tlakter ding ti mi phung kalpi lo awk a ṭhat lo caah atu bantukin kan kalpinak a si,” tiah Zaw Min Tun nih a luancia February 10 ni ah a rak chim.

Ralkap tla ding mi pa hna cu kum 18-35 kar le nu hna cu kum 18-27 kar tiah SAC nih ri an khiah i siibawi, Engineer le a dangdang thiamnak a ngei mi cu pa kum 18-45 kar le nu kum 18-35 kar paoh luh an ngah ko, tiah SAC nih kum riakhiahnak an tuah. Ralkap tlak caan cu kum hnih tiah rikhiah a si ko nain thiamnak a ngei mi pawl cu kum 3 asilole kum 5 tiang a si lai. Ralkap tlak a duh lo mi paoh cu kum 5 tiang thong thlak an si lai, tiah SAC nih an thanh.