Tlaih A Tong Mi Taze Tualchung Mi 20 Lak Ah Nunnak Liam Mi Le Thlah Ṭhan Mi An Um. Sagaing ramṭhen, Taze khuapi ah 2024, April 5 lio in tlaih a tong mi tualchung mi 20 lak ah minung 9 an thlah ṭhan hna i an thah mi minung 1 ruak zong SAC ralhrang nih an pek hna, tiah tualchung mi hna nih an chim.Taze khuapi nitlaklei hmun ah khuasa mi tualchung mi 20 hna cu PDF pawl nan bawmh hna tiin SAC ralhrang nih April 5 ah an umnak sang ah luhhnawh in an tlaih hna, tiah an chim.
“Tlaih an ton in ni 2 a rauh hnu April 7 ah minung 4, April 9 ah minung 5 an dihlak minung 9 cu an thlah ṭhan hna, a voi 1nak i an thlah mi hna minung 4 lak ah thinlung lei damlonak a ngei mi 1 aa tel, nau a ngeihnak thla 4 lawng a si rih mi nu 1 zong aa tel i nizan ah minung 5 an thlah ṭhan hna, an hremnak hna ruang ah an hmai ah hma an tuar hna, Tung-bing khaltu 1 cu an hremnak ah a nunnak a liam i a ruak cu Tung-bing in an rak pek hna” tiah Taze tualchung mi pakhat nih RFA ah a chim.A taang mi minung 10 hna cu Taze khuapi um palik sakhan ah an khumh hna i SAC ralhrang le an kuttang palik, pyusawhti pawl nih an hrem hna, tiah an thlah mi hna nih an chim. Atu hi an chungkhar hna nih pehtlaihnak an tuah kho hna lo i an dirhmun zong an thei kho rih hna lo, tiah tualchung mi hna nih an chim. Lungmili Post
Chin Association for Christian Communication(CACC) a voi 12nak Triennial Delegate Meeting cu a luancia April 2 ni ah Chinram, Hakha khuapi, IBC Biakinn ah tlamtling tein an tuah.
IBC Biakinn ah tuah mi CACC a voi 12nak Triennial Delegate Meeting ah cun Delegate 80 hrawng an i tel kho i 2024-2027 kum CACC Officer Council(OC) upa thimnak zong tlamtling tein an tuah kho.
2024-2027 kum CACC Officer Council(OC) upa thim mi hna cu a tanglei bantukin an si.
1. Rev. Dr. Thawng Hlei Thang
Chairman,
HBA, Hakha
2. Rev. Peng Sui
Vice Chairman,
Zotung Baptist Association, Rezua
3. Rev. Dr. Lal Pek Lian
General Secretary,
HBA, Hakha
4. Rev. Thla Ceu Mang
Associate General Secretary,
Zophei Baptist Association
Thantlang Township
5. Rev. Dr. Luke Sui Kung Ling
President,
Chin Christian University
Zophei Baptist Association
Thantlang Township
6. Rev. Ram Hmun
Literature and Publication Department
Secretary,
HBA, Hakha
7. Pastor Ca Cung Bik
Art and Culture Department Secretary,
TABC, Thantlang
8. Pi Ṭha Cin (Treasurer)
HBA, Hakha
9. Rev. Chan Peng Hmung
Assistant Treasurer,
HBA, Hakha
Sagaing ramṭhen, Kalay peng, Myaungsone le Cicai khua sianginn ah SAC ralkap nih Drone in bomb an thlak i sianginn a rawk, tiah theih a si.
Nizan April 9, zanlei suimilam 4:00 hrawng ah SAC ralkap nih Myaungsone khua sianginn ah Drone in bomb lung hnih an thlak caah sianginn cungcih le a vampang pawl an rawk, tiah theih a si.
Cu bantuk ṭhiamṭhiam in Myaungsone thlanglei Cicai khua sianginn zong Drone in bomb lung khat an thlak caah sianginn vampang pawl an rawk.
Cu kong he pehtlai in tualchung hriamtlai phu chungtel pakhat nih cun, “April 8 ni ah Drone 10 hrawng a phur mi motor pakhat Myohla khuachung ah a lut i khua kip ah an i chawk, timh ciammam tein umnak inn ah Drone in bomb an thlak i nizan April 9 ah Myaungsone le Cicai khua sianginn ah Drone in bomb an thlak, aa hliam mi belte cu an um lo,” tiah a chim.
Nihin April 10 ah SAC ralkap pawl cu Kalaymyo sehzung ah ralkap thazaang chap in motor pahnih he Tedim le Falam lei ah a kal mi motor pawl cu tangka an hal hna i, an lunghrinh mi an tlaih hna, tiah theih a si.
Leave a Reply