President Biden nih Iran warning a pek ko rawh hi. Tuni , Friday ah president Biden nih, “Iran nih hin Israel hi a rauh hlan ah a tuk kho men,” tiah a chim. Iran sin ah zei bantuk biacahnak dah na ngei tiah an hal i, “Don’t” tiah a leh rih țhiamțhiam ko hna.
“Israel ven himnak caah zum tlak mi kan si ko. Israel hi kan bawm fawn lai. Israel amah tein aa run vennak zong ah kan bawmh lai. Iran hi a hlawh a tling hrimhrim lai lo,” tiah Biden nih a chin. (NPR) ChinTalk
Thawngpang dang: Kyeinchaung Byuha sakhan cu ramri hngak ralkap le palik an umnak a si i, Strategy Operation Command Lieutenant Colonel Min Soe le palik bawi Lieutenant Colonel Win Myint Aung nih an hngah mi sakhan a si. Sakhan chung ah SAC ralkap chungtel 100 leng, ramri hngak SAC ralkap 400 hrawng le an chungkhar minung 150 hrawng an umnak a si, tiah AA nih an thanh.
Kyeinchaung Byuha sakhan cu a luancia March 25 ni in AA nih kah hram an rak thawk i, ni 48 chung an kah hnu, nizan April 12 ni ah sakhan cu a ningpi in an laak khawh. Cu sakhan kahdohnak ah cun SAC lei tam ngai an thih pin ah an chungkhar telh chih in minung tam ngai tlaih an si i, AA nih hriamnam tam ngai an laak kong an langhter.
)
Cu pin ah Maungdaw peng chung lawng ah si lo in Ann peng le Buthidaung peng zong ah kahdohnak kan kanpi cuahmah, tiah AA nih an langhter chih.
AA cu chaklei hriamtlai unau he ṭangṭi in 1027 Operation an kalpi chung ah peng 9 an laak cang i ralbawi telh in SAC ralkap a thong leng AA sin ah an i ap cang, khuapi a taang rih mi ramkulh chaklei um Buthidaung le Maungdaw laak ding in kahdohnak an kalpi cuahmah, tiah theih a si. The Chin Post
Leave a Reply