Breaking News :Thailand ramchung ah Myanmar ralkap vanlawng an luh ahcun kap colh hna uh tiah Prime Minister nih nawl a pek hna.

April 13, 2024 thechinstar Myanmar 0

Thailand ramchung ah Myanmar ralkap vanlawng an luh ahcun kap colh hna uh tiah Prime Minister nih nawl a pek hna.Thailand ram chung ah Myanmar ralkap vanlawng an rak luh ahcun kap colh hna uh tiah Thailand Prime Minister Settha Tawisin nih ralkap le van ralkap nawl a pek hna tiah Thailand media pawl nih an tial.
April 11 zanlei sang ah Thailand ram Runvennak Minister Sthin Klangsaeng zong nih, SAC ralkap vanlawng pawl ramri lonh in an rak luh ahcun minutes 5 chung ah kah ding in nawlpeknak min a thut tiah theih a si.Thailand Prime Minister nih cun Thailand ralkap le van ralkap ralbawi pawl he bia kan i ruah cang i Thailand ram le vawlei rak luhhnawh le hmanpiak kan siang hrimhrim lo, Thai-Myanmar ramri kongkau hi kan ngiatthlai peng ko tiah a chim.

Good News :Kah bawmh ding in a kal mi SAC ralkap kah an tong; Battalion Commander le a changtu tel in 60 deng an tlaih hna.Kahdohnak bawm ding in a kal mi SAC ralkap phu cu lam tanṭim ah Karenni ralkap phukomh nih an kah hna i, battalion commander le a changtu tel in 58 an tlaih hna tiah theih a si.

May be an image of 7 people

April 11 zinglei sml. 4:00 hrawng ah Karenni ramkulh, Bawlakhe in Hpasaung khua lei ah kahdohnak bawm ding in a kal mi SAC ralkap 100 hrawng cu Papu khua pawng ah an kah hna.”Battalion commander le commander changtu tel in 58 kan tlaih hna. Hma a pu mi zong an um i kan thlop hna,” tiah ralram thawng hram nih a chim.

Hpasaung khua hrambunh SAC ralkap battalion Kha La Yah – 134 le Kha La Yah – 135 cu Karenni ralkap phu komh nih an kulh hna i thla hnih chung an kah cang hna. SAC nih vanlawng in bomb a thlak caah Hpasaung khuachung inn zatuak 80 tluk a kaang cang tiah theih a si.Credit : The Hakha Post

Be the first to comment

Leave a Reply

Your email address will not be published.


*