Min Aung Hlaing Aa Dinhnak Pyin Oo Lwin Khuapi Ah Puahkeh Thawng A Thang.SAC Chairman Min Aung Hlaing aa dinhnak Pyin Oo Lwin khuapi ah ah hriamngan kah thawng a thang i Military University chung zong ah tla in puahkehnak a chuak. Tuzan cu Pyin Oo Lwin khuapi chung ah kaphnih kar kahdoh thawng a thang, tiah tualchung mi nih an chim.
Up Date :SAC Ralkap Nih Kalaymyo Chaklei Ah Phone Line Le Internet Line An Philh.Sagaing ramṭhen, Kalaymyo chaklei ah SAC ralkap nih phone line le Internet line an phih, tiah theih a si.A luancia April 4 zanlei thawk in nihin April 13 tiang, ni 9 chung cu SAC ralkap nih Kalaymyo chaklei ah phone line le Internet line an phih caah Internet line hmang ding in a cheu cu thingkung cung ah an kai hna, tiah tualchung mi nih an chim.
“Phone line a rawh dih ruang ah SAC ralkap khoika an phanh tibantuk zong theih khawh a si ti lo. A hlan ah cun pakhat le pakhat thawng kan rak i thanh tawn nain atu ah cun phone line an phih dih i zan ih hmanh ah thinthi in i hngilh ngam a si lo,” tiah tualchung mi pakhat nih cun a chim.
Kalaymyo chaklei ah cun line a tlau dih ruang ah pehtlaihnak a har i tualchung mi har an tong hna, line hman duh ahcun khua leng ramlak thingkung cung lawng in line an hmang kho hna, tiah theih a si.
“SAC nih hramhram in thilsual an tuah mi thuhnawh duh ruang le rallam sial in an cawlcanghnak pawl thei kho hna hlah seh tiin atu bantukin phone line le Internet line an phih dihnak a si,” tiah tualchung hriamtlai phu nih an chim.Credit : The Chin Post
Leave a Reply