Mongmit Peng, Sein-lung Tlang Sakhaan A Khamtu Sakhaan 2 KIA Nih An Lak>>>>>

Kachin ram, Mongmit peng, Lwegel ramri gate pawng um Sein-lung tlang sakhaan ngan a khamtu SAC ralkap sakhaan 2 cu March 31 ah KIA nih an lak tiah KIA lei thawng petu chim mi cherhchan in Khit Thit nih a langhter.

March 31 ah Mongmit peng, Lwegel ramri gate pawng, Sein-lung tlang byuha sakhaan a khamtu Bin-wai sakhaan, Wa-lai-pin sakhaan 2 cu an lak khawh, cu sakhaan 2 chung in hriam le kuanzen pawl tampi le ralkap ruak cheukhat zong an lak khawh tiah theih a si.

“Sein-lung sakhaan cu SAC nih vanlawng le hriamngan voi tampi hmang in a kham. Kahdohnak zong a fak taktak” tiah KIA lei thawng petu nih cun Khit Thit ah a chim.

March 7 in KIA nih a thawk mi kahdohnak chung ah SAC ralkap sakhaan 60 an lak khawh cang tiah KIA nih an thanh.