Thawngpang Thar :Myanmar lei ah Petrol, Diesel le Edin Tirawl Kuat Lo Ding in CYLA nih a Thanh

Myanmar lei ah Petrol, Diesel le Edin Tirawl Kuat Lo Ding in CYLA nih a Thanh.Mizoram, Lawngtlai District chung in Myanmar ram lei ah Petrol, Diesel le Editin tirawl luhter ti lo ding in CYLA Kumpuan Committee nih nihin April 16 ah thawngthanhnak a tuah.

“Myanmar ram buainak ruang ah Mizoram hmun tampi in Rakhine/Arakan ramkulh Myanmar ramchung ah Petrol, Diesel le eidin tirawl tampi luhpi a si. Hi kong ah hin faak ngai in khuaruahnak kan ngeim” tiah CYLA Kumpuan Committee nih a langhter.

“Myanmar, Manipur, Bangladesh ram buai ruang ah kan ramchung ah ralzaam tampi an phan i, nichiar in eidin a herh tuk lio ah kan ramchung in thilri tampi laak a si caah mizapi nih harnak an tong hnik cang. Aluancia thil sining zoh tikah thilri phur motor ngeitu hna le driver hna ca ah himnak zong a um lo,” tiah a langhter chap.Cucaah, nihin April 16 thawk in Lawngtlai District chung in le lenglei in Lawngtlai District pal in Myanmar ram lei ah thilri phurh ti lo ding in CYLA Kumpuan Committee nih mizapi sin ah nawlnak a tuah.

Good News : NUG he a Dongh Tiang Ral kan Do Lai tiah CNF/CNA nih a Chim.NUG cozah an dirhnak kum 3 a tlin ni nihin April 16 ah CNF/CNA nih lawmhpinak ca a tial i NUG he a dongh tiang in ral kan do lai tiah a langhter.

“Rialdip uknak pohpoh a hram in hrawh dih i Federal Democracy System ser a si khawh nakhnga NUG he ramkhel hmuitinh kan i khah chung poh cu kutsih in a dongh tiang ral kan do lai,” tiah Chin miphun hmelchunhnak Vakok lungput chuankhan CNF/CNA nih biakamnak a tuah. Nihin April 16 ah NUG cozah an dirhnak kum 3 a tling cang. NUG kum 3 tlun ton biaruahnak zong online in an tuah, tiah theih a si.

Good News : Rak rel Chih Hrimhrim :Battalion commander tel in Khah Lah Yah – 103 SAC ralkap 48 nih hriam an chiah.Tanintharyi ramthen, Myeik khua hrambunh Khah Lah Yah – 103 SAC ralkap battalion in Battalion Commander Lt. Colonel Aung Hein hruai mi SAC ralkap 48 nih KNU sin ah hriam an chiah tiah theih a si.

April 15 ah Lt. Colonel Aung Hein hruai mi SAC ralkap 48 nih hriamnam zun 67 chia in KNU Brigade-4 sin ah an i ap mi a si.KNU sin ah hriam a chia mi Lt. Colonel Aung Hein le ralkap pawl an nupile cu SAC nih an tlaih hna ti zong ramchung media nih an langhter.Credit : The Hakha Post