Kawkareik Kah Doh Nak Ah Ram Le Miphun Caah Nun Nak Pe Tu Pasaltha 4 Hna Ruak Thlah Nak>>>>>>>>>>>

Kawkareik Kah Doh Nak Ah Ram Le Miphun Caah Nun Nak Pe Tu Pasaltha 4 Hna Ruak Thlah Nak
Kawkareik kah doh nak ah ram le miphun caah nun nak pe tu pasaltha 4 hna ruak thlah nak pasaltha 4 hna cu kawkareik karen ram kulh kawkareik kah doh nak ah April ni 19 ah ram le miphun caah an nun nak an pek hi asi nizan April ni 21 ah vui liam an si.

Kawl ralkap ralhrang uk nak a dih dong tiangin kan doh lai tiah biakam nak an ngei bangin an nun nak a dih tiang ralhrang a doh tu kan mipi ralkap pasaltha upat nak pe cio hna uh si law.Nizan April ni 19 kah doh nak ah khan ciaphyu sitcuang in pasaltha 4 reng lo an nun nak a liam tiah theih asi. pakhat hi sitcuang hmuh bochan tak tak mi a si tiah theih asi.

Karen ram kulh Kawkareik khuapi kah doh nak ah kawl ralkap ralhrang nih ram khat le ram khat kah doh nak ral tuk ning in karenni ram kulh chung cu an phomh hna mipi ralkap zawng nih an mah le ti khawh tawk in kap hnih kah doh nak a fak.

April ni 19 kah doh nak ah mipi ralkap pasaltha ciaphyu sitcuang in pasaltha 4 reng lo an nun nak a liam I mipi ralkap phu dang chung zawng in nun nak liam le hliam tuar zeimawzat an um ve ti theih asi.

Kawl ralkap lei zawng in thi le hliam tuar an tam hriamnam tam pi zawng pasaltha lei in an lak piak mi hna zawng video chung ah hmuh awk te te a tam.

Kawlin peng, Tazu khua ah SAC ralkap le dothlennak phu pawl karlak ah kahdohnak a fak i SAC ralkap lei 8 nak tlawm lo an thi tiah Kawlin pengkomh PDF No. 1 nih thawng an thanh.

Kawlin khua nichuah lei um Tazu pura tlang, April 21 zinglei sml 5:00am thawk in kahdohnak a chuah hi a si.
Zinglei kahdohnak ah SAC ralkap lei a thi mi an tam i Kawlin khuachung ah hmunhma a khuar mi SAC ralkap 80 hrawng nih Tazu khua ah thazang an chap. Cu hnu ah kahdohnak kahdohnak a fak thluahmah.

Tazu khua lei ah a lut mi SAC ralkap phu pawl ruak 8 nak tlawm lo an hmuh i PDF lei nih hmunhma zohfelnak an tuah lio a si.
Kawlin khua nitlak lei khuate cheukhat zong ah April thla hramthawk zong in kahdohnak a fak ve i SAC lei 20 nak tlawm lo an thi tiah Kawlin pengkomh PDF No. 2 nih an thanh ve.

Sagaing ramṭhen, Khampat khua le Sawbua Ye-shin khua cu SAC nih Jet vanlawng in bom a thlak i mipi a thi mi le hliam a tuar mi an um tiah Zalen nih a langhter.

April 22 zinglei sml 2:00am hrawng ah Khampat khua No. 1 sang cu Jet vanlawng in voi 3 tiang bom a thlak i mipi 3 an thi, 10 nak tlawm lo an i hliam, Sawbua Ye-shin khua zong bom voi 2 a thlak i mipi 1 a thi, 4 nak tlawm lo an i hliam tiah a langhter.

“Khampat le Sawbua khua ah kahdoh a chuah lo nak hi a sau cang. Khampat ah bom nih a khen i a ruak aa varh dih mi a um. Hliam a tuar mi zong an tam” tiah Khampat khuami nih Zalen ah a chim.

Sawbua Ye-shin khua hi Kalay-Tamu lam ah a um mi khua pakhat a si i Sawbua khua zong ah mipi aa hliam mi an um bantuk in mipi inn zong a rawk tiah khuami hna nih an chim. Khampat khua hi a luancia 2023 November 8 ah dothlennak phu pawl nih an lak mi khua a si.