CNDF Falam 3 nih Zanniat minung faak tuk in an velh. Nai te 11 april 2024 ahkhan Falam peng chung ah CNDF Falam nih anmah CNDF Aikawn gate ah Kalaymyo in a vun i thawhmi Motor in kuva tlai a phur mi minung 3 lak ah 2 an velh hna. Motor khaltu nih lam hi kal a ngah maw tiah a hal hna i cu ahcun CNDF Zu ri pawl nih Motor in an tumter i an motor mawngtu le a zultu cu an velh hna. An lu le an keng pawl ah hliam an tuar tiah theih a si. Motor mawngtu hi Zaniat mi Simcing khua pa le a zultu cu Falamsiizungah ai thlop ti a si. Atu hi Mawtaw mawngtu pa chawnhbiak kan i zuam lio a si. CNDF falam ralkap 3 lak ah minung 2 hi zuu an rii tuk ti theih a si fawn. Motor a mawngtu le a zultu pahnih hi an vuak hna le. Simcing khuapa hi a faak ngaingai tiah kan theih. CNDF nih CNA an sual e tiah hlanlio bia an aupi i
a tu ah an mah tu ralhrang bantuk in siizung phan lak in mi an velh hna. Thil pakhat khat an mah nih an tuah ve ko mi hrimhrim khi an mah ai tel lo bantuk in CNA an puh khawh hna. Chim ding hi tamtuk a um. Cheukhat falam u nau nih an kan huat tiah an ka ti ka haut mi hna si lo thil hman tu ka chim a si. Caan sautuk lungrualnak kan aupi kan holh duh bal lo. Lungrualnak lei tu ah kan țang hna. A tu tiang ah lungrual an duh bal lo. An mah tu nih huat nak le rem lo nak an tial an chim peng tik ah kan leh hna ah an mah tu an thinhung i mi volhpamh in an țang. Thaizinng in lungrualnak duh hna sehlaw a tu bak in kan nih cu lungrual dingah ready kan si. Kan unau hna nih hmurkaa chuak in lungrualnak kong anchim rel an kaa chuak bia kaa khat zong hi ka thei bal lo. Dr Hre Mang kaa lawng in ka theih. A dang pohpoh cu huat nak kong an chim lo zongah lungrualnak ding kaa khat zong an chim bal lo. Hakha TT in thlanglei laitlang minung nih cunlungrualnak kong hi an au peng. Biafak an chim duh bal lo. Si nain an mah an mifim cu zeitluk in dah kan karlak ah buainak a um khawh lai timi ai zuam mi khi an lo. Tampi chim hau lo in an chim mi nan theih cio mi kha si ko. Lungrual in au caan hi a rak sau cang i lungsau nak nih a tlinh ti lo kan mah lawng nih au lengmang zong kha kaa lam a baa. A herh ning tu in i keh kan hau cang. Lungrual tak an duh ah cun thaizing in Okey kan si. An duh lo ah cun huatnak leh rulh cu a thiam cio lawng te ai si dih ko.. Hi vial hin zaa rih seh kan peh ti lai. Credit: Lai Kam Thang
Dohthlennak Kum 3 Chung ah CDF-Mindat Ralkap 65 an Thi. April 24 || Myanmar ram Pau Dohthlennak kum 3 chung ah CDF-Mindat in ralkap 65 nih ram le miphun ca ah an nunnak an pek, tiah theih a si. CDF-Mindat an dirhnak kum 3 tlin camtuak cu nihin April 24 zinglei ah Zoom in an tuah i, CDF-Mindat nih kum 3 chung an cawlcanghnak pawl report an tuah mi ah
a cunglei bang in an langhter hi a si. Kum 3 chung ah CDF-Mindat in ralkap 65 nih nunnak an pek pin ah hliamhma a pu mi ralkap 100 leng zong an um. Nihin zinglei ah an tuah mi CDF-Mindat kum 3 tlin camtuak ah CRPH, CRCH, ICNCC, NUCC, MTC le dohthlengtu ralkap bu cheukhat in aiawhtu pawl an i tel kho, tiah theih a si.
Chinram SAC minister pawl Hakha khuachung ah an i ṭhial. April 24 || Chinram ah SAC rianpek mi minister hna cu an um tawnnak minister pawl inn ah um ngam ti lo in Hakha khuachung ah an i ṭhial tiah theih a si. April 12 ah Ministers pawl inn in zung kai an i thawh lioah, CDF-Hakha nih an rak kah hna. Cu hnu cun minister pawl inn ah an um ngam ti lo caah khuachung ah an i thial mi a si tiah kan theih. Khuachung i an i ṭhialnak hmun cu Chinoosi sang Taik-Ku-Lung tian auh mi cozah rianṭuan bawi pawl umnak quarter ah a si i inn kua a um. An i ṭhialnak zarh khat a tling rih lo tiah theih a si. Taih-Ku-Lung quarter cu 2010 lio ah minister pawl an rak umnak a si. Minister pawl inn an lim hnu ah cozah rianṭuan bawi pawl
Sagaing ramṭhen, Kalaymyo peng Kalay sianghleirun ah umhmun khuar mi SAC ralhrang pawl cu tualchung hriamtlai ṭangṭi phu hna nih 2024, April 22 ah Fixed Wing Drone in Air bomb 4 an thlak hnawh hna, tiah theih a si.
April 21 zong ah Kalaymyo cheklei hmun um SAC ralhrang Gate cu Shar Htoo Waw Drone thiamnak in bomb 5 kan thlak hnawh hna, tiah Kalay pengkomh mizapi ralkap Drone phu (Wings of Kalay Drone Team) nih an thanh.
Tualchung mi pakhat zong nih “Cu kahdohnak ahcun SAC ralhrang lei in 2 an thi i hliam a pu mi 5 an si, Kalay sianghleirun kulh chung in puahkehnak thawng kan theih, Cun Kalaymyo kan dirhmun hi kahdohnak a faak deuh kho mi a si, Kalaymyo chaklei hmunram ahcun pehtlai in kahdohnak a um” tiah a chim ve.
Kahdoh a tong mi Kalay sianghleirun ah umhmun khuar mi ralhrang pawl nih aa chawk mi tualchung mi hna cu minung pakhat ah tangka 10,000 cio an khawlh tawn hna, tiah theih a si.
Leave a Reply