MNDAA Nih Thih Dan In Mi 3 Thah.Shan State pengkulh chaklei Laukkai ah MNDAA nih 24 April 2024 ah thih dan pek in minung pathum an thah hna. Myanmar National Democratic Alliance Army (MNDAA) nih a ngeih mi phung le phai buar ruangah sual-huah minung pa 10 biaceih. Nawlbuar sualpuhnak tampi lakah, lainawn, minung fir (kidnapped), thilri le tangka chuh (ramh) zong an i tel. Khuami zapi tonpumhnak hmai ah biaceih hrennak tuah an si, tiah Kokan News Agency nih a phuan.
Sual-huah biaceih mi hna hi Kokank hriamtlai le Spring Revolution hnu hriamtlai chuak thar chungin an si hna. Thih tiang biakhiah mi hna hi lainawn, nawlngeih buarsonak, mi-fir, tangka le thilri chuh (ramh), zen le kuan telh in hriamnam fir le zuar sualpuhnak in a si.
Khuachung mizapi tonpumhnak hmai biaceih hnu ah minung 7 cu ri-caan khiahpiak mi thongthlak an si i, adang pathum cu thahnak hmunhual mi ah kalpi an si. Atu bantuk thih dan pek (death penalty) hi MNDAA nih Operation 1027 hmangin ral innpil chim in Kokang ram a uk hnu ah a voikhatnak a si, tiah, Kokan News Agency nih a chimchap.
Good News :Laiza Luhnak Gate Cu Kum 10 Leng A Rauh Hnu Ah KIA Nih An On Ṭhan.Kachin Independence Army(KIA) Headquaters umnak Laiza khuapi luhnak Gate cu kum 10 leng a rauh hnu ah nizan April 26 ni ah KIA nih an on ṭhan cang. “SAC ralkap nih kum tampi chung umhmun an khuarnak Laiza luhnak Gate cu KIA nih an laak khawh ṭhan mi cu kahdohnak kong ah a biapi ngai mi teinak hmuh bantuk a si,” tiah Laiza khuapi tualchung mi pakhat nih a chim.
KIA Lieutenant General Sumlut Gun Maw nih cun, “Teinak hmuh lawmh si lo in kum 10 leng hnu ah Laiza luhnak Gate kan on khawh ṭhan mi cu tualchung mi ca ah luatnak hmuh bantuk a si i ram pumpi in luatnak kan hmuh khawh nakhnga pehzulh in kan i zuam lai,” tiah amah pumpak hman mi Facebook ah ah a ṭial.
Hi kong he pehtlai in SAC lei nih thawng an thanh mi a um lo i SAC chimnak nawlngei Major General Zaw Min Tun cu RFA nih phone in an pehtlaih nain phone a tlaih duh lo kong RFA nih an langhter.
KIA nih a luancia March 7 ni in Operation an kalpi hram an thawk i thla khat leng i kahdohnak ah KIA Headquaters pawngkam SAC ralkap sakhan pahnih an laak i a hlan ah KIO Headquaters a rak si mi Narhpawt SAC ralkap sakhan an laak hnu ah atu bantukin Laiza khuapi luhnak Gate an on ṭhan khawhnak kong le SAC ralkap sakhan 60 leng an laak cang kong cu KIA Information Center in ṭuanvo ngei Colonel Nawbu nih RFA a chimh.Credit : The Chin Post
Leave a Reply