Dala Khuapi Thingyan Chung Ah SAC Kuttang Rianṭuan Khuabawi Pa Le A Rianṭuan Hawi Nih Tualchung Mi Pakhat Thi Deng In An Vuak.Yangon ramṭhen, Dala khuapi kawl kumthar ti toihpuai Thingyan ah hla thang taktak in a chuahtu unau 2 lakah 1 cu SAC ralhrang kuttang rianṭuan khuabawi pa le a rianṭuan hawi hna nih thi deng in an vuak, tiah tualchungmi sin in kan theih.
2024, April 23 zanlei sangah hla thang taktak in a chuah mi Myo Zaw cu khuabawi pa Hlah Min nih namte in a sawh, chanhchuah dingah a kalmi a naupa Aye Zaw zong SAC ralhrang kuttang rianṭuan khuabawi pa le a rianṭuan hawi nih thideng in an vuak tiah theih a si.
” Thingyan kawl ti toihpuai zanlei sangah hla thang taktak in a chuahtu unau 2 hna lakah upa deuh cu khuabawi Hlah Min le a rianṭuan hawi nih a Inn ah an luhhnawh i namte in an sawh. A unaupa sawhtu khuabawi pa cu Aye Zaw nih a vuak caah SAC ralhrang kuttang rianṭuan khuabawi pa le a rianṭuan hawi nih zungkhan ah an kawh i thideng in an vuak” tiah tualchungmi pakhat nih a chim. Lungmili Post
Thawngpang dang: Daw Aung San Su Gyi hi Naypyidaw thonginn ah an khumh mi a si i President U Win Myint hi Taungoo thonginn ah an khumh mi a si.
Hi kong he pehtlai in “President hlun U Win Myint le Daw Aung San Su Gyi cu an umnak thonginn a linh tuk caah kan thial hna.kan thial mi hna hi an mah lawng an si lo kum upa lei deuh le a dam lo mi hna poah kan thial ko hna,a daih deuh nak hmun kawl in home minister zung lei nih an tawlrel cuahmah ko” tiah SAC chimphuannak nawl ngeitu Zaw Min Htun nih a chim.
Daw Aung San Su Gyi le U Win Myint hna thonginn thial mi kongkau he pehtlai in khoika dah an thial hna timi hi fiangin theih a si rih lo i thawng pang thar um cun kan van update than te lai. CBN Daily News
Mizoram Siaha district,Lungbun le tipi kar ah April 13 zanlei sang ah khan motor cansualnak a chuah caah Thantlang peng Vuangtu khuami pakhat a nunnak a liam i hliam tuar zong an tam tiah thawng kan theih.
“Motor a cansual hi April 13,zarhteni zanlei slm 5:30 tluk ah khan a si.a khalh cuahmah lio ah a brake tha tilo i speed in a kal hnu ah aa leh hi a si.a hmun ah Pu Z Mand Cung kum 50 tluk a nunnak liam. Hliam tuar dang zong an um i mi 3 cu Aizawl lei panh pi an si” tiah vuangtu khuami pakhat nih CBN Daily News ah a chim.
A tu tan cansualnak a tongmi motor hi Pickup a si i a cungcuang minung 17 tluk an si.hi hna lak ah kum tling rih lo mi ngakchia le kum khat fai ngakchia zong an i tel.
A nunnak a liam mi Pu Z Mang Cung cu ringawn lei ah bochan mi pakhat a si i 2013 lio ah rak tuah mi Zophei Idol ah Theme song zong a rak tial piak tu hna a si. A ruak hi April 14 zarhpi ni ah khan a chuahkehnak Vuangtu khua ah an vui.
Leave a Reply