Israel IDF nih top Hezbollah Commander pa an thah. Israel ralkap le Lebanon i Hezbollah kar ah kahdohnak a um. Hezbollah nih Israel Iron Dome battery an chiahnak hrawh ding in drones pahnih an rak zuanter tiah theih a si.
Hiti Hezbollah drones a rak zuan lio ah hin Israel lei in siren a awn lo caah Israel lei in hlethlainak an tuah cuahmah tiah an chim.
Hiti kahdohnak a dih hnu tlawmpal ah Lebanese Media nih, “Tyre khuapi pawng i Ain Baal ah motor pakhat cu Israel drone nih a a kah,” tiah a phuan. (Ain Baal hi Israel ramri in miles 9 aa hlatnak ah a um mi a si).
Israel IDF nih, Ain Baal i mortor drone in a kahtu kha kanmah kanmah kan si, kan target cu Hezbollah coastal region commander thah kha a si bantuk in, tlamtlin tein kan target kan khen,” tiah an phuan. ChinTalk
Thawngpang dang: Daw Aung San Su Gyi hi Naypyidaw thonginn ah an khumh mi a si i President U Win Myint hi Taungoo thonginn ah an khumh mi a si.
Hi kong he pehtlai in “President hlun U Win Myint le Daw Aung San Su Gyi cu an umnak thonginn a linh tuk caah kan thial hna.kan thial mi hna hi an mah lawng an si lo kum upa lei deuh le a dam lo mi hna poah kan thial ko hna,a daih deuh nak hmun kawl in home minister zung lei nih an tawlrel cuahmah ko” tiah SAC chimphuannak nawl ngeitu Zaw Min Htun nih a chim.
Daw Aung San Su Gyi le U Win Myint hna thonginn thial mi kongkau he pehtlai in khoika dah an thial hna timi hi fiangin theih a si rih lo i thawng pang thar um cun kan van update than te lai. CBN Daily News
Mizoram Siaha district,Lungbun le tipi kar ah April 13 zanlei sang ah khan motor cansualnak a chuah caah Thantlang peng Vuangtu khuami pakhat a nunnak a liam i hliam tuar zong an tam tiah thawng kan theih.
“Motor a cansual hi April 13,zarhteni zanlei slm 5:30 tluk ah khan a si.a khalh cuahmah lio ah a brake tha tilo i speed in a kal hnu ah aa leh hi a si.a hmun ah Pu Z Mand Cung kum 50 tluk a nunnak liam. Hliam tuar dang zong an um i mi 3 cu Aizawl lei panh pi an si” tiah vuangtu khuami pakhat nih CBN Daily News ah a chim.
A tu tan cansualnak a tongmi motor hi Pickup a si i a cungcuang minung 17 tluk an si.hi hna lak ah kum tling rih lo mi ngakchia le kum khat fai ngakchia zong an i tel.
A nunnak a liam mi Pu Z Mang Cung cu ringawn lei ah bochan mi pakhat a si i 2013 lio ah rak tuah mi Zophei Idol ah Theme song zong a rak tial piak tu hna a si. A ruak hi April 14 zarhpi ni ah khan a chuahkehnak Vuangtu khua ah an vui.
Leave a Reply