Chinland Cozah Upa Hna Cu Peng Cheukhat Ah Tlawnnak Le Mipi He Tonnak An Ngei.Chief Minister Pu Pa Thang hruai mi Chinland Cozah upa hna cu April 13-19 tiang Zophei, Lautu, Zotung le Senthang peng ah an tlawng i pengtlang uktu upa le mipi he tonnak an ngei kho tiah theih a si.
Cu tonnak ah cun pengtlang uknak kong, cozah riantuannak ah a herh mi le Chinland Cozah konglam biaruahnak le fianternak an ngei hna.Chinland Cozah le pengtlang uknakbu karlak pehtlaihnak caah Federal phunglam he aa tlak mi pengtlang uknak phung ser in cu ning cun uknak kalpi a herhnak, Chin miphun nih kan ngeih bal lo mi kanmah uknak kongah kanmah tein kan ser mi phunghram cu cu Chinland Cozah nih a ferter cang caah Chinland Cozah nih mipi he i bawm in Chinram le Chin miphun caah riantuan ding a si nak le Chinland Cozah a thawn khawh nakding ah mipi nih kan si khawhnak lam cio in dirkamh a herhnak kong cu Chief Minister Pu Pa Thang nih mipi sin ah sawmnak le fianternak a tuah hna.
Tutan khualtlawnnak ah hin Minister of Humanitarian Affairs and Rehabilitation, Minister of Home Affairs le Minister of Construction hna zong an i tel ve tiah Chinland Cozah nih an thanh.
Rak rel Chih :Vice President Hlun Henry Van Ṭhio Cu SAC Nih Rian Dinhnak Nawl An Pek.Myanmar ram Vice President hlun Henry Van Ṭhio cu SAC nih ngandamnak lei kong he pehtlai in a rian in dinhnak nawl an pek kong MRTV in SAC nih tuzan ah an thanh.
SAC nih phunghrampi Section 419 ning in Henry Van Ṭhio cu a ngandamnak lei kong ah an rian in dinhnak nawl an pek kong nihin April 22 zan SAC nih ah an thanh.Henry Van Ṭhio hi ngandamlonak a ngei maw, a ngandamnak zei bantuk dirhmun a si ti mi cu SAC lei nih an thanh mi a um lo.A liamcia 2021 February 1 in SAC ralkap nih nawlngeihnak an laak hnu in SAC nih an auh mi Kalon tonpumhnak ah Henry Van Ṭhio cu voi hnih tiang a rak i tel manh ve.Credit : The Chin Post
Leave a Reply