Malaysia ram Kuala Lumpur khua i restaurant ah rian a tuan cuahmah lio mi Chin pa pakhat cu nizan April 25 ah khan hri aa awk caah a nunnak a liam tiah Mara Community Committee Malaysia sin in theih a si.
A nunnak a liam mi hi Thantlang peng Mara mi a si i kum 20 tluk mino te a si.a umnak inn khan chung ah a tu bantuk in a nunnak aa lak hi a si.
“April 24 zinglei slm 8 hrawng ah a ruak hi hmuh a si,a nih hi SAC nih uknak an laak hnu ah Malaysia a phan mi a si i kum hnih tluk lawng a um rih.zei ruang set ah dah a tu bantuk in a nunnak aa lak hi kan thei kho lo,Thantlang peng Mara miphun a si” tiah Mara Community Committee Malaysia president nih Zalen ah a chim.
A nunnak a liam mi Mara mino pa ruak cu nihin April 25 ah Mara Community Committee Malaysia nih tawlrel in khrihfa phung ning tein an vui tiah theih a si. Malaysia ram chung ah hin tu thla April thla chung lawng ah ngakchia pakhat telhin Chin mi 3 nunnak a liam cang.
Good News :Mindat Palik Sakhaan In Palik Pakhat Hriamnam Tampi He CDM A Tuah.Chin ramkulh,Mindat khuachung palik sakhaan in palik pakhat cu hriamnam tampi he CDM a rak tuah tiah CDF-Kanpetlet Tumi battalion nih nihin ah an thanh.
Mindat khua palik sakhaan in palik Min Htet Shing cu G4 meithal zun 1,kuan 280, kuan bawm 4,BA 94 meithal zun 1,kuan 210,kuan bawm 3,pistol zun 1,kuan 5 le kut cheh bomb 1 hna i put in a luancia April 10 ah khan CDM rak tuah hi a si.A tu bantuk in hriamnam tampi he CDM a rak tuah tu palik Min Htet Shing cu Tumi battalion nih phaisa sing 100 laksawng an pek tiah theih a si.
Dawei Peng Thailand-Myanmar Ramri Ah SAC Nih An Sakhaan An Zaam Tak Caah KNLA le PDF Nih Meithal Zun 34 Le Kuanzen Hna An Laak.Tanintharyi ramthen,Dawei peng Thailand-Myanmar ramri ah a um mi SAC Mawhta sakhaan um SAC ralhraang hna nih an sakhaan an chuahtak caah KNLA le PDF hna nih sakhaan cu an laak i meithal zun 34 le kuanzen hna an laak.
Aluancia April 23 ah khan KNLA hruaimi dothlennak ralkap ttangti phu hna nih cu sakhaan cu doh hram an rak thok i kaphnihkar kahdohnak tlawmpal a chuah hnu ah SAC ralhraang minung 40 tluk nih an sakhaan cu an chuahtaak i dothlennak ralkap hna nih nizan April 24 ah khan sakhaan an laak khawh hi a si.Credit : CBN Daily News
Leave a Reply