KIA Nih SAC Ralkap LIB 141 Sakhaan An Lak, Sinbo Khua Tlamtling Tein An Lak Chap.Thla 2 leng an kah cang mi Sinbo khua um SAC LIB 141 sakhaan cu nizaan ah KIA nih tlamtling tein an lak dih cang tiah Kachinwaves thawngzamh nih a langhter.
Sakhaan a kulhtu hmun 3 cu April 26 le 27 ah an lak cang i pehzulh in kahdohnak an tuah hnu nizaan zaan ah tlamtling tein an lak khawh tiah a langhter.”Nizaan khua muih ka te ah an lak. A hramthawk cun sakhaan a khamtu pawl an lak hmasa hnu ah sakhaan an lak khawh” tiah ralram kahdohnak he aa naihniam mi nih Kachinwaves ah a chim.
SAC lei Battalion Commander telh in ralkap tampi an thi tiah theih a si.Sinbo sakhaan an sunghnak hnga lo SAC lei nih Y-12 Helicopter in bom a thlak, cun vanlawng a phunphun in voi tampi bom a thlak.
Kahdohnak thla 2 leng chung ah SAC vanlei kahdohnak le bomrap ruangah dothlennak phu lei a thi mi an tam.Myitkyina peng, Irrawaddy tiva kam um Sinbo khua cu KIA phufonh nih February 10 ah palek sakhaan an lak khawh ko nain a biapi mi LIB 141 cu nizaan lawmg ah an lak khawh i Sinbo khua zong KIA le dothlennak phu pawl nih an tlaih cang tiah Kachinwaves nih a langhterr .
Thawngpang Dang Rak Rel Chih :Kanpetlet Peng Ah SAC Nih Vanlei kahdohnak A Tuah Ruang Ah Mipi 1 A Thi, 2 An I Hliam. Chin ramkulh, Kanpetlet peng, Lundon khua cu SAC nih vanlawng in kahdohnak a tuah caah mipi 1 a thi, 2 an i hliam tiah thawng theih a si.
Vanlawng kahdohnak ruang ah kum 68 upa pakhat a ke aa tan i a nunnak a liam tiah theih a si.Kanpetlet peng, Lundon khua cu SAC nih April 28 chun sml 1:30pm hrawng ah vanlawng in voi 2 tiang kahdohnak a tuah i mipi aa hliam mi zong an um leng ah sikhaaan le mipi inn zong a rawk tiah Kanpetlet pemg mipi uknak phu nih an thanh.
Aa hliam mi minung 2 chung ah kum 45 nu hi a hliam hma a fak ngai i kum 18 nu pakhat tu hi thinphan awk a um tuk lo tiah theih a si.Cun khuachung um sikhaan 1, mipi inn 3 zong a rawk tiah theih a si.
A luancia April zarhkhatnak le zarhthumnak lio zong ah Kanpetlet peng, Phanchaung khua, Ong khua, Lwaisung, Kauksaung khua hna cu SAC nih vanlawng in bom a rak thlak cang i mipi inn, cozah rianṭuantu umnak inn zong a rawk tiah theih a si.Credit : The Chinland Post
Leave a Reply