Myitkyina Peng, Sinbo Khuapi Khah-Lah-Yah Headquarter Cu KIA Nih An Laak Cang, SAC Ralhrang Tampi An Thi. Kachin ramkulh, Myitkyina peng, Sinbo khuapi Khah-Lah-Yah 141 battalion zungpi (Headquarter) cu Kachin Independence Army (KIA) nih an kah i an laak, SAC ralhrang tampi an thi, tiah KIA thawng laaknak hrampi nih Khit Thit Media ah a chim.
2024, February 10 ah thawk in Myitkyina peng, Sinbo khuapi Khah-Lah-Yah 141 battalion zungpi (Headquarter) cu Kachin Independence Army (KIA) nih kah hram an thawk i 2024, April thla dih lei ah tlamtling tein an laak khawh tiah theih a si.
“Sinbo sakhan tlamtling tein kan laak khawh nain zohfelnak kan tuah rih lo, sakhan chungah a ummi ralhrang dihlak tluk in an thih lai kan zumh hohmanh sakhan chuahtaak mi an um lo” tiah KIA thawng laaknak nih a langhter.
2024, March 7 ah Kachin ramkulh chung um SAC ralhrang sakhan pawl cu Kachin Independence Army (KIA) nih kah hram an thawk i a tutiang in sakhan dihlak fonh 70 leng an laak khawh cang tiah theih a si. Lungmili Post
Thawngpang dang: Pawngkam Mi Nih An Report Hna Ruang Ah Myanmar Ram Mi 20 Leng Cu Thailand Ah Tlaih An Tong. Thailand ram, Chonburi pengkomh, Pattaya khuapi chung innkhan 2 ah khuasa mi hna cu report an ton caah Thailand ram Lah-Wah-Kah le palik nih luhhnawh in an kawl hna i phungnung lo in a lut mi Myanmar ram mi 21 cu tlaih an si, tiah Thailand ram thawng zamhnak Pattaya Mail nih a langhter.
Myanmar ram mi 21 nih an hlan mi innkhan 2 ah pa 19 le nu 2 an um i pawngkam mi nih report an tuah ruang ah atu bantuk in an tlaih hna hi a si. Tlaih a tong mi hna cu an chekhlat hna i ramdang kalnak (Passport) le Thailand ram luhnak nawl (visa) a ngei lo mi an i tel i Updadi ning in dantat an si lai, tiah a langhter. Atu bantuk in tlaih a tong mi hna cu zan ah hna an chet i dawhcah lo in an um lengmang ruang ah pawngkam mi hnahnawhnak an kan pek tiin an report hna hi a si, tiah Pattaya Mail nihcun a langhter chih. Lungmilipost
Leave a Reply