AA Nih Hin Paletwa Ram Chung In Kanmah Kan Unau Paletwa Chinmi Tthawl In Anmah Arakan Minung Tam Khawh Chung

AA nih hin Paletwa ram chung in kanmah kan unau Paletwa Chinmi tthawl in anmah Arakan minung tam khawh chung tam in umter timh dawh an si. Atang kawl media nih a tial ning cun Bangladesh ram ah a ummi pawl rak kirnak ah hman dawh an si.

Hihi an hlawh a tling ko ahcun hmailei Paletwa ram cuhnak kongah, kanmah Chinmi nakin anmah Arakanmi an tam deuh te lai i, hmailei referendum tuah te tikah anmah Arakan an tam deuh ahcun an kan tei lai i Paletwa hi sungh a fawi. Cucaah atu Arakan minung Paletwa ram chung tampi an um hlan ah kan pale nih khua nan tuaktan deuh a herh ko rua tiah ka ruah ko. Siaherh bia. CH. Atang ah kawl media tialmi thil mi hi rel ve hmanh uh. Crd: Chinland News Agency – CNA

Relchap: Shan ramkulh chaklei, Ta’ang hmunram ah chuahcam lawmhnak an tuahnak hmun pakhat ah SAC ralhrang chuah mi Myanmar beer a ding mi TNLA ralkap chungtel hna cu dantatnak an tuah hna, tiah TNLA sin in theih a si.

“2024, May 2 ah kan kham mi Myanmar beer ding mi TNLA ralkap chungtel hna cu fung in voi 10 kan tuk hna pin ah thla khat chung rianhrang ṭuan ding le mizapi ta a si mi siizung le phungki sianginn thianhlimnak tuah ding in dantatnak kan tuah hna” tiah TNLA in ṭuanvo ngeitu pakhat nih a chim.

Cu pin ah TNLA nih a uk mi khuapi 7 le hmunram chung ah SAC ralhrang chuah mi thil pawl a ding-ei mi le cawkzuarhnak a tuahtu hna cu thawng kan thanh ning in dantat nan si lai, tiah an thanh.

A liamcia 2021, June 15 ah TNLA nih SAC ralhrang chuah mi thil paoh cu cawkzuarnak tuah lo ding le din-ei lo ding in an rak thanh hi a si. Lungmili Post