Falam SAC ralhrang Tatkung (တပ်ကုန်း) himnak ding ah CNDF Falam ralkap nih an duty peng ko rih May 5 Chinland cozah ralkap nih Falam khuapi kah an timlo, Falam um ralhrang le an camp kah an timh timi thawngpang a leng caah CNDF Falam ralkap pawl nih Falam khua luhnak pawng ah ready bak in SAC Ralhrang camp an kilven piak hna tiah theih a si. Cucaah Falam khua kan kilveng e tiah nan timi hi Falam um ralhrang တပ်ကုန်း himnak dingah duty nan lak piak hna tinak a si. SAC Ralhrang cu
an I lawm tuk caah Falam naihte ah Duty a congmi CNDF pawl cu bomb zong in an kap siang bak hna lo tiah theih a si. Atu bantuk in CNDF Falam nih SAC Ralhrang an kilven hna caah Chinram in ralhrang tthawl dih cu caan a rau kho. CNDF an GS Van Thawng Thang nih CNDF cu Falam peng hrambunh kan si ruang ah Falam khua cu kan kilven mi a si tiah a chim ve. CNDF Ralkap pakhat nih Chinland Council ralkap cu an ngamh le ra hna she teng lak kan rak kah hna lai tiah a chim
Thawngpangthar Dang : Ngazun, Myaytaing Khua Kahdohnak Ah SAC 11 An Thi | Biangreithlep 5 | 2024 Mandalay ramṭhen, Ngazun peng, Myaytaing khua ah kahdohnak a chuak i SAC ralhrang 11 an thi, tiah Myaung peng mipi ralkap CDSOM chungin ṭuanvo ngeitu pakhat nih Khit Thit Media ah a chim. 2024, May 4 zing suimilam 8:45 tluk ah Ngazun peng, Myaytaing khua ah
a rak lut mi SAC ralhrang 30 tluk cu mipi ralkap ṭangṭi phu nih (Pe 20) tluk a neihnak hmun in an kah hna caah ralhrang 7 an thi, tiah theih a si. Cu bantuk ṭhiam in 2024, May 4 zing suimilam 9:00 tluk ah Myaytaing khua kahdohnak ah SAC bawm dingin motor 2 he a rak chuakmi zong bomb puahhnawh in an kah hna caah ralhrang 4 an thi, tiah an langhter.
Chin Miphun Ralkap CNF/A Hruai Mi Ṭangṭi Phu Hna Nih ZRA-EC Sakhan 2 An Laak | Biangreithlep 5 | 2024 Chin ramkulh, Tedim peng ah Chin miphun ralkap CNF/A hruai mi ṭangṭi phu hna le ZRA-EC kar ni 3 chung kahdohnak ah ZRA sakhan 2 kan laak khawh, tiah Chin miphun ralkap CNF/A in chim phuannak nawlngeitu Salai Htet Ni nih a chim. “Chinram chaklei khuapi pakhat chung ah um mi SAC ralhrang sakhan kahdoh ding in kan kal lio lam cenceo ah ZRA nih bomb hmanh in an kan kahdoh, cucaah mah hna hi kan kah hna ah a ṭha lai kan ti i an sakhan tiang kan va kah hna, kan kalnak lam i an um ruang ah kan kah ve hna hi a si i
a ni 3nak kahdohnak ah an sakhan 2 cu kan laak” tiah Salai Htet Ni nih a chim. Chinram chaklei um khuapi pakhat cu kahdoh ding in Chin miphun ralkap CNA hruai mi ṭangṭi phu hna nih timhlamhnak an ngeih lio 2024, May 1 ah Zomi Revolutionary Army- Eastern Command (ZRA-EC) nih bomb puahhnawh in an kahdoh hna i kap 2 kar kahdohnak aa thawk. Cu kahdohnak ah ZRA- EC sakhan hme mi pakhat (Elijah Camp) cu Chin miphun ralkap CNA le ṭangṭi phu hna nih an laak khawh, tiah theih a si. Cu hnu ah kahdohnak pehtlai in a faak i nizan May 4 ah ZRA-EC thazaang 50 hrawng nih umhmun an khuarnak Carmel sakhan zong an laak chap, tiah theih a si. Ni 3 chung kahdohnak ah
CNA hruai mi ṭangṭi phu in pasalṭha 1 nunnak a liam i ZRA-EC in 3/4 hrawng an thih kong le kap 2 in hliam tuar mi an um kong zong theih a si. “Chin miphun mah le mah i kahdoh cu kan duh lo nain SAC ralhrang pawl hi Chinland in an thian khawh nakhnga kan kalpi lio ah mah bantuk in dawn/khamtu a um nakhna lo, nan i fonh lo ahcun hnahnawhnak nan kan pek nakhnga lo kan in nawl hna, mizapi he i fonh uh, kannih cu kan duh mi kan hmuh tiang kan kal lai” tiah CNF/A in chimnak nawlngeitu Salai Htet Ni nihcun a chim. Chinram chaklei, Tedim, Tonzaang, Cikha hmunram ah a cawlcang mi ZRA-EC nih a liamcia caan zong ah SAC ralhrang dohtu PDA, PDF-Zoland le CDF-Hualngoram sakhan pawl cu kahdoh in an hrawhpiak hna, tiah kan theih.
Leave a Reply