A Poi Tuk Ee :Mizoram Ah Myanmar Ralzam 34,000 Leng An Um

Mizoram Ah Myanmar Ralzam 34,000 Leng An Um .2021 February ah SAC nih Myanmar ram uknak hramhram in a laak thawk in Mizoram ah Myanmar ralzam,a bik in Chin mi minung 34,000 leng an um tiah Mizoram cozah cazin ningin theih khawh a si.

Mizoram cozah Home Minister zung nih a hnu bik a khawmhsuat mi cazin ning ah Mizoram ah hin Myanmar ralzam 34,346 an um i cu chungah ngakchia minung 13,000 leng an i tel.May 4 tiang cazin ningah Mizoram chung ah ralzam camp 149 a um i cu camp hna ah cun minung 16,445 khua an sa hna i a tam u minung 17,901 cu camp leng ah khuasak cio a si.

Mizoram chung vialte ah Champhai district hi Myanmar ralzam an tam cem nak a si i minung 14,499 an um.Siaha district chungah minung 6,044,Lawngtlai district chungah 5,922 le Aizawl district chungah 2,291 an um fawn.

Cubantuk thiam thiam in Khawzawl district chungah 134,Kolasib district chungah 139 le Saitual district chungah 211 an um tiah theih a si. Hi cazin hna hi Mizoram cozah nih a phaak tawk a khawmhsuat mi cazin a si caah a tak ah hi nak tam le tlawm zong a si kho.

GTRO Korea Hruainak In Korea Ah Charity Concert An Tuah I Hmuhmi Phaisa Cu Dothlennak Le Ralzaam Caah Hman A Si Lai.Global Thantlang Relief Organization Korea hruainak in South Korea ah Charity Concert an tuah i cuka in an hmuh mi phaisa hna cu dothlennak le ralzam caah hman a si lai tiah kan theih.

Charity Concert cu South Korea Bupyeoung Gucheong,Incheon ah May 5 ah khan an rak tuah mi a si.Concert ah hin Elena HT Par, Shinbia,Martha Htowah,Bawi Tha Thawng,David Bual Hnun le Shh! Shh! Dancer group hna an i tel kho tiah kan theih.Credit : CBN Daily News