Malaysia lei a Zaamnak Lampi ah a Nunnak a Liam mi “Sibawi Khual Sian Tung” Ruak cu Karen ah an Vui.Myanmar ram in Malaysia lei a zaamnak lampi ah a nunnak a liam mi Sibawi Khual Sian Tung ruak cu Chinram lei ah kirpi ti lo in Karen ram ah an vui, tiah theih a si.
CDM a tuah mi Sibawi Khual Sian Thang cu Malaysia lei ah zaam ding in aa thawh i, Karen ramchung hmun pakhat ah thaditnak in April 13 ah khan ruah lo piin a nunnak a liam.Kum 32 lawng a si rih mi Sibawi Khual Sian Thang hi CDM a tuah mi a si i, COVID-19 zawtnak a tlun lio zong ah khan mizaw hna inn ah amah pumpak kal in thlopbulnak a tuahtu a si.
An Khrihfabu nih a tuah mi Medical Evangelism ti mi rianṭuannak zong ah a pum aa pe mi a si.Atulio kan ram sining ruang ah a ruak cu Chinram lei ah kirpi ti lo in April 15 ah khan Karen ram ah Khrihfa phungning te in an vui, tiah theih a si.
Good News : CDF (Hakha, Thantlang, Zophei, Lautu) nih Drone in Rungtlang SAC Ralkap Sakhaan Bomb an Thlak.Nihin April 15 ah CDF-Hakha, CDF-Thantlang, CDF-Zophei le CDF-Lautu nih Quantum Project ti mi min chuankhan in Rungtlang SAC ralkap sakhaan cu Drone in bomb an thlak, tiah thawng kan theih.
Drone in bomb an thlaknak ah SAC ralkap lei in a thi mi le hliam pu an um nain a hnu ah thawng dikthliar in kan thanh ṭhan te lai, tiah CDF-Hakha nih a langhter. “April 15 ah Quantum Project in Hakha, Thantlang, Zophei le Lautu CDF hna nih Rungtlang ah drone in bomb voi thum kan thlak i ralhrang a thi le hliam an um tiah kan theih. A dikthliar cu kan thanh than te lai,” tiah theihternak an tuah.
“Chinram chung SAC ralkap tei an si nakhnga Rungtlang hi tei a herh bang in Rung Operation zong kalpi cuahmah a si i, ramchung le ramleng mizapi ṭang ṭi rih hna usih. Ralhrang Cozah SAC le a minung pawl cu hohmanh hnangam te in dinh caan kan pe ti hna lai lo,” CDF-Hakha thawngchuah mi ah an langhter.
RakRel Chih HrimHirm : Shanram Kahdohnak ah Mizapi Ralkap 5 nih Nunnak an Pek.Shan ramkulh, Ngyaungshwe peng kahdohnak ah mizapi ralkap lei in minung panga nih an nunnak an pek, tiah theih a si.Ngyaungshwe peng, Ngyaunglaypyin khuate lei ah raal lam a sial mi SAC ralkap pawl cu April 13 ah khan Inlay-PDF, Free Burma Ranger (FBR) le Pekon-PDF nih an kah hna i SAC ralkap 30 leng an thi.
Inlay-PDF ṭuanvo ngeitu pakhat nih, “Lampi in kan bawh hna i kan kah hna. SAC ralhrang 30 leng an thi. Atu tiang an ruak zong an i char kho lo. Hliamhma a pu mi SAC ralhrang 20 leng zong Aungpan sizung ah an thlop hna,” tiah a chim.Cu kahdohnak ah cun Inlay-PDF in ralkap pahnih, Pekon-PDF in ralkap pahnih le FBR nih ralkap pakhat an nunnak a liam, tiah theih a si. #Hmanthlak: Inlay-PDF in an nunnak a liam mi ralkap pahnih ruakvuinak.Credit : The Hakha Post
Leave a Reply