Ngakchiapa Thattu Cu Palik Nih An Tlaih CangMalaysia ah Peter Biak Tha Cung a thattu Hrang Tin Thang cu Malay palik nih April 15 can 11:23pm ah Pudu sang ah an tlaih khawh cang tiah theih a si.Atu hi palik sakhan ah an chiah i zeitindah bia an ceih lai? Zeitikdah an ceih lai ti a fiang rih lo.
Thawngpang Dang Rak Rel Chih :CDF ṭangti Phu Nih Rungtlang ah Drone in Bomb an Thlak.Nihin April 15 ah CDF ṭangti phu nih Rungtlang ah Drone in bomb voithum an thlak i SAC ralkap thi le hliam tuar an um kong CDF Hakha nih an thanh, dikthiar deuh thawngthanhnak an tuah ṭhan te lai kong an langhter chih.
Hi bomb thlaknak hi Quantum Project tiah min an bunh i, CDF-Hakha, CDF- Thantlang, CDF-Zophei le CDF-Lautu hna an i tel tiah CDF-Hakha nih cun an langhter.”Chinram ralteinak caah Rungtlang hi tei a herh caah Rung Operation zong kalpi cuahmah a si. Ramchung le ramleng mipi vialte tangṭi rih hna usih. Ralhrang SAC le a minung pawl cu hohmanh hnangam tein dinh caan kan pe ti hna lai lo. Caan rau lo ah kan tei lai,” tiah thazaang chuah ding in mipi sawmnak he CDF-HAKHA nih thawng an thanh.
A Poi Tuk Ee :Kachin Ram, Danai Peng Ah Ralzaam Ngakchia 5 Ti Ah An Paam.Kachin ramkulh, Danai peng, Nambyu khua tiva ah kum tling lo ralzaam nu ngakchia 5 cu nizan April 14 ni ah ti ah an tla i an zate in an nunnak a liam, tiah tualchung mi nih an chim.”Nambyu tiva ah a paam mi ralzaam ngakchia cu Ja Htwe Pan(kum 13), Noenoe Mai(kum 11), Ja Sai Taung(kum 9), Ywai Taung(kum 12) le Ja Sai Mai(kum 7) an si i minung 4 ruak cu char a si cang nain ruak khat belte an hmu rih lo,” tiah Danai khua mi nih an chim.
“Nu ngakchia tete cu i kholh ding in tiva ah an kal i ti an dehnak ah ti a thuhnak lei ah an kal sual caah atu bantukin thil a cannak a si, ruak 4 cu an hmuh cang nain ruak khat belte an hmu kho rih lo,” tiah Danai khua mi pakhat nih cun an chim.Nambyu khua ah aa dor mi ralzaam 200 hrawng cu kahdohnak ruang ah a liamcia 2020 thawk in Ngwepyau khua thar in aa dor mi an si, tiah an chim.Credit : The Chin Post
Leave a Reply