SAC ralkap nih Hpakant peng, Loi Hseng camp an zaam taak; KIA nih motor pahnih phor kuanzen an laak.Kachin ramkulh, Hpakant peng ah SAC ralkap nih an zaam taak mi Loi Hseng khuate SAC camp cu KIA nih rallam sial in an va kal hnawh i hriam ngan kuanzen tampi an laak tiah theih a si.
Loi Hseng khua Tower bo SAC camp cu April 17 zinglei ah SAC ralkap nih an zaam taak i Kamine Byuha Sakhan ah an i fon. Hriamnam dihlak in an i kalpi nain kuanzen tampi an kal taak. KIA nih rallam an va sial tik ah kuanzen tampi an laak tiah ramchung media ngan hna nih an tial.”Hriamnam cu a um lo. Kuanzen tampi kan laak. Hriam ngan kuan a phunphun motor pahnih phor kan laak,” tiah KIA thawnghram nih a chim.Hpakant peng chung SAC ralkap camp tampi cu KIA nih an laak khawh cang hna i, a taang mi pawl zong laak ding in an i zuam cuahmah tiah theih a si.
Thawgpang Dang Rak Rel Chih :Rev. Dr. Hkalam Sam Son cu Thonginn in a Chuah Zaan ah an Tlaih Than.Kachin Baptist Convention (KBC) Chairman ṭhing Rev. Dr. Hkalam Sam Son cu thonginn in an chuah zaan ah SAC ralkap nih a inn ah an vung tlaih than, tiah theih a si.
Nizaan April 17, Kawl Kumthar ah SAC nih thongtla 3,000 leng a thlah hna i Rev. Dr. Hkalam Sam Son zong thonginn in thlah a si ve. Asinain, SAC palik pawl nih nizaan zaan sml. 9:00 hrawng ah Rev. Dr. Hkalam Sam Son cu Myitkyina khua i a inn ah an tlaih than, tiah KBC upa pakhat nih BBC ah a chim.
“Zaan sml. 9:00 hrawng ah a inn ah an tlaih than. Zei ruang ah dah an tlaih than ti mi kan hlat lio a si,” tiah a chim. Rev. Dr. Hkalam Samson cu thawngṭha a chim mi ruang ah 2022, December 5 ah Mandalay Airport ah SAC ralkap nih an rak tlaih i, rampi limhaang chiatchuahnak pohmah No. 505 (a) in taza an rak cuai.Credit : The Hakha Post
Leave a Reply