Up Date :Lawngtlai CYLA nih Rakhine lei ah Thilri luhpi lo dingin cathanh a chuah

Lawngtlai CYLA nih Rakhine lei ah Thilri luhpi lo dingin cathanh a chuah.Vaupi. 2024 ah khan Central Young Lai Association tangah a um mi “Kumphuan Committee” Nih cun ca chuah in, an cachuah i an langhter ningah cun “Tulio Myanmar ram a buai ruangah Rakhine, Myanmar lei ah Petrol, Diesel le nifatin herhai pawl cu a tom tom in kalpi thluah mah a si, Kan ram chungah Myanmar, Bangladesh le Manipur ralzaam an tam caah nifatin kan herhmi a sang chin ve thluahmah cu lio ah hibantukin ramdangah kan herhmi pawl kalpi a si lengmang tikah ramchung mipi nih harnak kan ton caah le liamcia caan hna zoh tikah Thilri a Phurtu le khuatlungkal caah ttihnung a si pinah a him lo ngai ngai” tiah an thanh.

CLYA cathanh ning ah, “Lawngtlai District (Lai Area) chungin le Lairam leng lei in siseh Lairam (Lawngtlai District) pal in Myanmar lei ah zei thilri hmanh luhpi le lanhpi sian a si lo tiah an cachuah ah hin an langhter.”

Lawngtlai Khuapi chungah Datsi (Petrol le Diesel) le nifatin herhhai eidin tirawl pawl hi Rakhine State, Myanmar lei ah luhpi dingin tamtuk an hun lak tawn caah Lairam (LADC) chung mipi nih an i zat ti lo caah hibantukin CYLA “Kumphuan Committee” nih Myanmar lei ah thilri luhpi khamnak nawl an chuah hi a si bik ko.

Up Date : Good News :Maungdaw Um Cing-chaung Byuha Sakhaan AA Nih An Lak. Maungdaw peng ah ralkap le an chungkhar minung 650 nih khua an saknak Cing-chaung byuha sakhaan cu AA nih a lak khawh i a nung in tlaih mi telh in ralkap ruak tampi, hriam tampi an lak khawh tiah AA nih thawng an thanh.

Maungdaw peng, Cing-chaung byuha sakhaan ngan cu a thla in an kulh i riahcaw an phih hna hnu ah March 23 thawk in fak taktak in an kah tiah AA nih cathanh ah an langhter.Cing-chaung byuha kone hi SAC ralkap 100 leng, BGF 400 hrawng an umnak sakhaan ngan pakhat a si.

Cing-chaung byuha sakhaan kahdohnak chung ah ralkap ruak tampi, an tlaih mi ralkap le an chungkhar pawl, hriam tampi an lak khawh tiah an langhter.AA nih Ann, Buthidaung, Maungdaw peng hna ah kahdohnak fak an tuah cuahmah lio a si tiah an thanh.Credit : The Chinland Post