Chin Brotherhood Alliance (CBA) nih Kyindwe lak. Chin State ramkulh, Kanpetlet pengkulh tukdohnak ah Chin Brotherhood Alliance ṭangṭi phu nih Kyindwe khua lak, tiah theih si.
Hriamtlai chung report don ning ah, Kyindwe hi kan lak ti awk ngaingai a ṭha lo, zeicah SAC ralkap tlawmpal an um rih tiah a chim. Cawnnihnihni ah khua cu kan luhhnawh i kan lak, nain kanmah kutchung (control)
a dihlak in a um ti khawh a si rih lo tiah, Kanpetlet Chinland Defense Force chungtel pakhat nih a chim.
Hriamtlai phu 6 fonh The Chin Brotherhood Alliance nih hin December 22 in ralhrang tukkah kan thawk. Raltuknak ab Maywe ramchung hriamtlai le AA zong an i tel tiah, theih si. Hi Chin Brotherhood Alliance ahhin Zomi Federal Union, Chin National Organization, Chin National Council in Mindat, Maraland Territorial Council and Chinland Defense Force in Kanpetlet le Matupi hna an itel. The Chin Post
Thawngpang dang: Hpasawng peng, ah SAC nih thla 2 chung tluk ralphaw ah an tlaihkhih mi hna tualchung mi 18 cu SAC nih an chuah ṭhan hna tiah Karenni ramkulh, Hpasawng PDF chungin ṭuanvo ngeitu pakhat nih a chim.
2024, April 29 ah SAC ralhrang nih an chuah ṭhan mi hna tualchung mi 18 hi kum khua upa, naupawi le ngakchia deuh hna an si i PDF nih hmunhimnak hmun ah an chiah hna tiah an langhter.
Ralphaw ah tlaihkhih mi hna hi SAC ralhrang nih a phun phun in an ṭhihphaih hna caah tualchung mi 10 an taang rih tiah theih a si.
April 23 zong ah Hpasawng khuapi, Kwetthit sang Phungki sianginn ah aa taap mi tualchung mi 130 leng cu Karenni ṭangṭi phufonh nih an rak chanhchuah hna.
2024, February 29 ah thawk in Hpasawng khuapi kahdohnak ah SAC ralhrang hrambunh sakhan tampi cu Karenni ṭangṭi phufonh nih an laak khawh cang tiah theih a si.
Leave a Reply