Chinland ralkap nih Chin miphun chung hriamtlai kah a duh bal lo i, a policies zong a silo. Nain ralhrang sinah dir in le a tangti le bawmtu phu tucu a herh ningin a thianhhliamh ko lai.
Tutan Chin miphun ralkap le ZRA kahnak ah ZRA nih an kah hmasa hna ruangah mah i kilvennak caah Chinland ralkap nih lehnak an tuahmi a si. Chin miphun ralkap nih mah miphun cungah harnak pek le kahdohnak tuah hi a duh bal lo.
ZRA he kahdohnak ah a cunglei kan chim bang, ZRA cu ralhrang he tangti an si caah Chin ralkap kha ambush in an kah hmasa hna caah lehnak an tuah hna.
ZRA cu Tonzag pengah ralhrang he i bawm in Bing an cing an zuar ti pinah Tonzang khuapi chung ah ralhrang he an duty,lole duty an i chawng peng.
ZRA hmanmi hriamnam tam u cu ralhrang nih a pekmi hna a si tikha tehte,witness a um dih. ZRA na tanh le dirpi si cun ralhrang na dirpi tikha va philh hlah.Crd: Salai William HC
Thawngpang dang: Tukum, 2024, April thla dongh ah tuah mi Chinland Council meeting ah chungtel thar pathum an cohlan hna tiah theih a si. Cu hna cu Mindat Council, Kanpetlet Council le Zanniat People Organization hna an si.
CDF-Mindat le CDF-Kanpetlet in cheukhat cu Chin Brotherhood ah an lut nain a tam deuh cu Chinland Council ah an lut ve. Mipi uknak in Chinland Council ah a lut mi zong hi anmah peng ah cun mipi tam deuh nih dirkamh mi le cohlan mi an si tiah Chinland Council in upa pakhat nih The Chin Post ah a chim.
Tutan meeting ah chungtel thar pathum an cohlan mi he cun Chinland Council ah aa tel mi dihlak phu 18 an si cang. Cu hna cu:
Tonzang Township Council, Hakha Central Council, Thangtlang Township Council, Matupi Township Council, Paletwa Council, Hualngoram People Organization, Senthang Central Council, Zopheiram Council, Lautu People Affairs Council, Zotung Federal Council, Maraland Council, Mindat Council, Kanpetlet Council, Zanniat People Organization, CDF KKG, CDM Siyin, CDF- Dai
le People Defense Army (PDA, Tedim) hna an si. Hmanthlak: A hnubik CC Meeting le CC chungtel dihlak cazin. The Chin Post
Leave a Reply