Tanintharyi Peng Ah SAC 2 Hriamnam He Mipi Sin Ah An I Fonh. Tanintharyi ramṭhen, Tanintharyi peng, Aukkin khua hrambunh SAC ralhrang Khah-Lah-Yah 557 battalion in ralhrang 2 cu hriamnam he mipi sin ah an i fonh tiah Southern Brothers Army nih a langhter.
2024, April 28 ah SAC ralhrang Khah-Lah-Yah 557 battalion in Sergeant Ko Ko Htwe le Myat Soe Oo cu MA meithal 2, 5.56 meithal kuan 260 le kuan bawm 6 he mipi sin ah an i fonh tiah theih a si.
Khah-Lah-Yah 557 battalion in Sergeant Ko Ko Htwe le Myat Soe Oo hi hmunhimnak ah an chiah cang hna i lawmhpinak ah tangka zeimawzat an peek chih hna tiah kan theih. Lungmili Post
Thawngpang dang: Tukum, 2024, April thla dongh ah tuah mi Chinland Council meeting ah chungtel thar pathum an cohlan hna tiah theih a si. Cu hna cu Mindat Council, Kanpetlet Council le Zanniat People Organization hna an si.
CDF-Mindat le CDF-Kanpetlet in cheukhat cu Chin Brotherhood ah an lut nain a tam deuh cu Chinland Council ah an lut ve. Mipi uknak in Chinland Council ah a lut mi zong hi anmah peng ah cun mipi tam deuh nih dirkamh mi le cohlan mi an si tiah Chinland Council in upa pakhat nih The Chin Post ah a chim.
Tutan meeting ah chungtel thar pathum an cohlan mi he cun Chinland Council ah aa tel mi dihlak phu 18 an si cang. Cu hna cu:
Tonzang Township Council, Hakha Central Council, Thangtlang Township Council, Matupi Township Council, Paletwa Council, Hualngoram People Organization, Senthang Central Council, Zopheiram Council, Lautu People Affairs Council, Zotung Federal Council, Maraland Council, Mindat Council, Kanpetlet Council, Zanniat People Organization, CDF KKG, CDM Siyin, CDF- Dai
le People Defense Army (PDA, Tedim) hna an si. Hmanthlak: A hnubik CC Meeting le CC chungtel dihlak cazin. The Chin Post
Leave a Reply