May Thla A Zarhkhatnak Operations Chungah SAC Howitzer Telhin Hriam Tampi KIA Nih Laak.2024 May thla a zarhkhatnak i Kachin ramchung SAC sakhaan kahdohnak chung ah KIA nih SAC sakhaan 20 leng an laak i howitzer telhin hriam tampi an zong an laak tiah theih a si.
May 4 ah khan Waingmaw peng um SAC sakhaan hna,May 5 le 6 ah khan SAC sama sakhaan, Kakam sakhaan,Kidun sakhaan hna telhin sakhaan 10 leng an laak i Kakam tlang SAC sakhaan laak kahdohnak ah howitzer hriampi zong an laak.
May 5 ah Sumprabum khuapi cu an laak khawh i May 7 ah Mansi palek sakhaan,Moemaut palek sakhaan,Bamaw peng Sinkhan sakhaan, Ayeyawaddy hlei cung um SAC sakhaan hna zong an laak.
Thawngpang Dang Rak Rel Chih :Zarhkhat Chungah CDF-KKG Palsaltha 4 Nih Ram le Miphun Caah Nunnak An Pek.2024 May 2 in 7 kar zarhkhat chung ah SAC ralhraang dohnak in CDF-KKG ralkap minung 4 nih ram le miphun caah nunnak an pek tiah CDF-KKG nih nizan may 7 ah an thanh.
SAC ralhraang cu dohin hramhram uknak a dih dongh khawh nak hnga le mizapi humhim in Federal democracy ramkomh siam khawh nak hnga tiin ram rian an tuan cuahmah lio ah a tu bantuk in nunnak an pek hi a si tiah an langhter.
Cu tin ramrian an tuan cuahmah lio ah CDF-KKG battalion 7 i Platoon commander Dal Sin Mun @Dal Mung nih May 2 ah,battalion 4 in ralkap Nay Lin Aung nih May 4 ah,Battalion 5 i ralkap Aung Lin Htun nih May 6 ah le CDF-KKG battalion 4 i chimphuannak nawl ngeitu Ya Ya Gam nih May 7 hna ah ram le miphun caah nunnak an pek hi a si.
A tu bantuk a nunnak a liam mi ralkap hna nih ram le miphun caah dothlennak an tuah mi cung ah upat nak an pek kong le chuakhar sahlawhrual chan hna an ngeihchiat nak an hrawm pi kong CDF-KKG nih cun an langhter.Credit : CBN Daily News
Leave a Reply