KIA Nih Kum 8 Chung An Sungh Cang Mi Kidon Sakhapi Cu An Kahdoh I An Laak Khawh Ṭhan
Kachin ramkulh, Waingmaw peng um Kachin ralkap KIA sakhanpi pakhat a rak si mi Kidon sakhan cu kum 8 chung an sungh hnu nihin 2024, May 6 ah SAC ralhrang sin in an laak khawh ṭhan, tiah KIA thawng laaknak hram pi nih a chim.
A liamcia 2016, December thla ah SAC ralhrang nih KIA sakhanpi pakhat a si mi Kidon sakhanpi cu thazaang tam ngai in an rak kahdoh caah an laak khawh. Kum 8 a liam hnu 2024, May 6 ah KIA hruai mi dohthlennak hriamtlai ṭangṭi phu hna nih mah sakan cu an kahdoh ṭhan i an laak khawh ṭhan, tiah theih a si.
“Kan sakhanpi cu kan laak khawh ṭhan, 2016 kum ah SAC ralhrang nih thazaang tamtuk a hman ruang kan sungh mi sakhanpi cu atu kan laak khawh ṭhan cang, hriamngan he hriamhme kan kahdoh caah a kaang dih cang, SAC ralhrang pawl zong an um ti lo, 2016 lio ah SAC ralhrang 100 reng lo nih an nunnak thap in an rak laak mi a si nain atu ahcun kan laak ṭhan cang” tiah KIA thawng laaknak hrampi nihcun Khit Thit ah a chim.
Kachin ramkulh ah 2024 March 7 in Kachin ralkap KIA, KPDF le ṭangṭi phu hna nih kahdohnak an thawk i nihin May 6 tiang ah SAC ralhrang sakhan 87 an laak khawh cang, tiah theih a si.Thawngdang Rel Than Rih >>>>>>>>>>
Chinland Ralkap He Ai Kap Cuahmah Mi ZRA Bawm Ding In Ralhrang Tampi An Kal
ZRA bawm dingin Tedim ralhrang an i thawh may 6
Chinland ralkap le ZRA kah lio mi ah Tedim um ralhrang tatzin 269 hna cu, Motor 1 le saikel 5 in ZRA bawmh ding ah Tuilang khua lei an tum/kal tiah PDF zoland GS nih a hun post .ZRA tanhtu kan innpa hna caah thawngchia ngai si. Crd: SWHC >>>>>>>>
Karenni ramkulh, Bawlakhe peng ah SAC ralkap Helicopter pakhat cu Karenni hriamtlai ṭangṭi phu nih an thlak kong KA ralbawi Colonel Bone Naing nih fehter in a chim.
Nihin March 6, zinglei suimilam 10:00 hrawng ah Hpasawng peng ah a zuang mi SAC ralkap Helicopter pakhat cu Karenni hriamtlai ṭangṭi phu nih Bawlakhe peng ah an thlak, tiah theih a si.
“Helicopter cu Hpasawng peng ah an khen i Bawlakhe phanh hlan ah a tla, pehtlaihnak a har ngai caah a tlaknak hmunhma belte fiang in hngalh a si rih lo nain a tla ti mi tu cu fehter khawh a si ko, a tla mi Helicopter hi Mi17 a si lai zumh a si,” tiah KA ralbawi Colonel Bone Naing nih cun a chim.
SAC ralkap nih hramhram in nawlngeihnak an laak ni thawk in SAC ralkap thilphurtu Helicopter le raltuknak Helicopter telh in Helicopter 7 cu tlangcung hriamtlai phu le PDF nih an thlak khawh cang i, nihin i an thlak mi raltuknak Helicopter he cun a zate Helicopter 8 an thlak khawh cang.Thawngdang >>>>>>>>>>>>>>>>>>
Rakhine ramkulh, Buthidaung No.15 Operation Command Division Headquaters in, Colonel telh in SAC ralkap le an chungkhar minung 100 leng cu AA sin ah hriamnam chiah in an i ap kong AA nih nihin May 6 an thanh.
Buthidaung peng ah hrambunh mi No.15 Operation Command Headquaters telh in Battalion Headquaters 5, Maungdaw peng Headquaters 4 telh in SAC ralkap sakhan ngan mi 9 hrawng cu AA nih an laak kong nihin ah phungning tein an thanh.
Buthidaung No.5 Operation Command Division Headquaters cu AA nih caan saupi chung an kah hnu ah a luancia April thla donghlei ah ralkap thazaang chap in fak deuh in an kah hnu ah an laak khawh. Cu kahdohnak ah cun AA nih hriamnam le SAC ralkap hman mi thilri pawl an laak pin ah minung 100 leng an i ap, tiah theih a si.
AA nih an laak mi Khah-Mah-Yah 551 le Buthidaung No.5 Operation Command Division Headquaters in i ap duh lo in a zaam mi SAC ralkap pawl cu dawi in Buthidaung peng, Tanshauk khua ah an kah ṭhan hna i an thi mi le hliampu mi an tam, tiah theih a si.
Leave a Reply