Hakha Khuapi SAC Lentecelhnak Bual Chung Ah Ralhrang Nih Kawl Kumthar Tingyan Ti Toihpuai An Tuah. Chin ramkulh, Hakha khuapi SAC lentecelhnak bual ah SAC ralhrang nih kawl kumthar Tingyan kawl ti toihpuai an tuah tiah tualchungmi sin in kan theih.
2024, April 13 ah Hakha khuapi SAC ralhrang lentecelhnak bual ah minung 100 leng nih kawl kumthar Tingyan ti toihpuai an tuah tiah theih a si.
Kawl kumthar Tingyan ti toihpuai tuahnak ah hin Chin ramkulh, vuanci Doctor Vungh Suan Thang le ralbawi General Nai Win Aung zong an i tel tiah an langhter.
“SAC ralhrang tuah mi kawl kumthar Tingyan ti toihpuai ah hin ralhrang nawlngeitu dihlak in an rak chuak i pakhat le khat ti an i toih hna an dihlak fonh minung 100 tluk an si” tiah tualchungmi pakhat nih a chim.
Cubantuk ṭhiam in Mindat khuapi,ong ah SAC ralhrang le Palik hna nih sipin chawdawr hmai ah kawl kumthar Tingyan ti toihpuai an tuah ve tiah theih chih a si. Lungmili Post
Relchap: Malaysia Ah Malsawm Khuami Ngakchia 1 Hmaikhah Pa Nih A Thah. Chin ramkulh, Hakha peng, Malsawm khuami ngakchia pakhat cu Malaysia ah Hmaikhah khuami pa 1 nih a thah, tiah theih a si.
2024, April 14 zing ah Hakha peng, Malsawm khuami Pu Biak Tha Lian le Pi Tha Tin Hnem hna i an fapa Peter Biak Ṭha Cung (kum 7) cu Malaysia ah an umnak innkhan pawng a um vemi Hmaikhah khuami pa pakhat nih a hnawng in a dih i a thi, tiah a mah he aa neihniam mi Malsawm khuami pakhat nih Lungmili Post ah a chim.
“Peter hi a nu le a upa he Malaysia ah inn hlan in um mi an si. A that tu pa hi an inn hlan nak innkhan pawng te ah inn a hlang vemi a si i Peter he hin game hna an i celh ṭi tawn. A thah dih hnu ah a upa sin ah a va kal i na nau hi aa hngilh sau ngai va zoh te hmanh tiah a chimh ta i a zaam,” tiah a chim. Lungmili Post
Leave a Reply