SAC Nih Vice President Henry Van Thio A Rian In An Dinh Ter. SAC ralhrang nih vice president rian an khinhmi Pu Henry Van Ṭhio cu damlo ruang ah a rian in an dinh ter, tiah theih a si. 2024, April 22 ah vice president Pu Henry Van Ṭhio cu SAC nawlpeknak No.33/ 2024 le pohmah 419 ning in dinhnak nawl an pek.
Pu Henry Vanthio hi NLD chan lio ah vice president a rak ṭuan mi a si i SAC nih uknak an laak hnu zong ah pohmah 424 ning in vice president rian pehtlai in a ṭuan rih i National Security Council chungtel zong a si, tiah theih a si.Lungmili Post
Thawngpang dang: Chief Minister Pu Pa Thang hruai mi Chinland cozah upa hna cu 2024, April 13 in 19 tiang Zophei hmunram, Lautu hmunram, Zotung hmunram le Senthang hmunram khuakhangtu bu hna le tualchung mi hna cu tonnak an ngeih hna i hmunram (pengtlang) uknak kong, cozah rianṭuannak ca ah a herh mi le Chinland cozah kong he pehtlai in biaruahnak an ngeih hna, tiah Chinland cozah nih an thanh.
“Chinland cozah le hmunram (pengtlang) khuakhangtu bu karlak pehtlaih khawhnak ding caah Federal phunglam ning in pengtlang (pengtlang) uknak phung ser i cu ning cun uknak kalpi a herh nakkong, Chin miphun hna nih kan ngeih bal lo mi mahte uknak kongah kanmah tein kan ser mi phunglam cu atu ahcun Chin miphun hna nih kan fehter khawh cang nakkong, Chinland Cozah cu mizapi he hmunkhat ah dir in Chinram le Chin miphun hna zawnruahnak he ukhruainak an kalpi lai nakkong, mizapi nih Chinland cozah a ṭhawn khawhnak ding ah dirkamh a herh nakkong cu” Chinland Chief Minister nih a chim.
An khualtlawnnak ahcun Chinland cozah in Minister of Humanitarian Affairs and Rehabilitation, Minister of Home Affairs le Minister of Construction hna zong an i tel ve, tiah an langhter chih.
Leave a Reply