UFC Flyweight Rank No. 13 Ah A Um Mi Tatsuro Taira Le Joshua Van An I Thong Lai. Myanmar Fighter Joshua Van cu a raa lai mi June 1 ah an tuah mi UFC 302 ah UFC Flyweight rank No. 13 a si mi Japan miphun Tatsuro Taira he an i thong lai.
Joshua Van nih amah pumpak Facebook page ah aa thong ding Tatsuro Taira he an hmanthlak a tar i ” A ra lai mi puai ca min kan thut cang” tiah April 25 ah a fan pawl theihternak a tuah.
Joshua Van hi a luancia April 6 ah Brasil miphun Lucas Rocha he an thong ding an si nain an puai a rawh caah Tuluk miphun Su Mudaerji he thongh ding in puai a um ṭhan. Cu puai zong ah Tuluk pa nih a chuahtak caah a rawkk ṭhan. Atu ah Japan miphun Tatsuro Taira he puai a um ṭhan hi a si.
Iridium Sports Agency nih a langhter ning ah June 1 ah an tuah ding mi UFC 302 ah Joshua Van le Tatsuro Taira an thongh ter hna tiah an langhter. Iridium Sports Agency hi Tatsuro Taira a tawlrel piaktu Agent Company a si.
Tatsuro Taira hi kum 24 a si i puai 15 chung ah puai 15 ning in teinak a hmuh leng ah UFC Flyweight rank ah No. 12 a phan mi a si.
Cun Tatsuro hi 5′ 7″ a sang i a kut hi 70″ a sau. Joshua Van zong rank tahnak chung phan kho ding in aa zuam cuahmah lio a si i a thongh ding pa hi ni 37 aa duh ah puai an timh mi a si caah Joshua Van nih a tei kho lai maw ti hi hngahlang ngai a si. The Chinland Post
Leave a Reply