KLG PDF , Chindwin Rocket Brothers -(C.R.B)၊ Dragon Brothers Task Force -DBTF၊Advance-47၊ Chindwin Brothers, hna nih an hmang mi Drone le Rocket pawl cu tih an nun ko cang. Naypitaw kah ding ah ready tuk kan si cang tiah hi hna phu nih an chim.
Thawngpang dang: Nizan 2024, April 25, zan suimilam 8:00 tluk ah SAC ralhrang nih raltuknak vanlawng in bomb a thlak i siizung ah aa thlop mi tualchung mi mizaw 4 nunnak a liam, minung 10nak tlawm lo nih hliam an tuar i siizung cu a rawk dih, tiah theih a si.
“Siizung ah aa thlop lio mi tualchung mi 4 nunnak a liam i minung 10nak tlawm lo nih hliam an tuar, siizung zong a rawk dih, nizan cu chunnitlak zankhuadei ti awk in kahdohnak a tuah, Mindat peng chung ah kahdohnak zeihmanh a um loh” tiah CDF-Mindat in ṭuanvo ngeitu pakhat nihcun a chim.
SAC ralhrang nih bomb a thlak hnawh mi Vawmtu khua cu SAC ralhrang kuttang rianṭuan Council chungtel Pu Maung Ha khua a si. Mindat peng, Kanpetlet peng, Matupi peng, Yaw hmunram, Myaing peng le Pakokku peng in mizaw a tam-u cu Vawmtu siizung ah an rak i thlop hna, tiah theih a si.
A luancia April 25, zanlei suimilam 4:30 tluk zong ah Mindat peng Station (2) chung ah SAC ralhrang nih raltuknak vanlawng in voi 2, Y12 vanlawng in voi 5 ( Voikhat thlak ah bomb 10 hrawng) a thlak, tiah theih chih a si. Lungmili Post
Leave a Reply